ສາທາລະນະລັດ ປະຊາທິປະໄຕ ປະຊາຊົນລາວ
ສັນຕິພາບ ເອກະລາດ ປະຊາທິປະໄຕ ເອກະພາບ ວັດທະນະຖາວອນ
ຫ້ອງວ່າການສຳນັກງານນາຍົກລັດຖະມົນຕີ ເລກທີ 1356/ຫສນຍ.ກລຂ
ນະຄອນຫຼວງວຽງຈັນ, ວັນທີ 9 ກັນຍາ 2016
ແຈ້ງການ
ຮຽນ : - ທ່ານຮອງນາຍົກລັດຖະມົນຕີ, ລັດຖະມົນຕີກະຊວງການເງິນ ທີ່ນັບຖື.
- ທ່ານລັດຖະມົນຕີກະຊວງກະສີກຳ ແລະ ປ່າໄມ້.
- ທ່ານລັດຖະມົນຕີກະຊວງອຸດສາຫະກຳ ແລະ ການຄ້າ.
ເລື່ອງ : ລາຍການ (ບັນຊີ) ຜະລິດຕະພັນໄມ້ ເພື່ອສົ່ງອອກ ແລະ ຫ້າມສົ່ງອອກ.
- ອີງຕາມ ການລາຍງານຂອງທ່ານລັດຖະມົນຕີ ກະຊວງອຸດສາຫະກຳ ແລະ ການຄ້າ ລາຍງາຍຕໍ່ກອງປະຊຸມນາຍົກ-ຮອງນາຍົກລັດຖະມົນຕີ ຄັ້ງວັນທີ 29 ສິງຫາ 2016.
- ອີງຕາມ ການຊີ້ນຳ ແລະ ຕົກລົງໃນກອງປະຊຸມນາຍົກ-ຮອງນາຍົກລັດຖະມົນຕີ ຄັ້ງວັນທີ 29 ສິງຫາ 2016.
ຫ້ອງວ່າການສໍານັກງານນາຍົກລັດຖະມົນຕີ ຂໍຖືເປັນກຽດແຈ້ງມາຍັງທ່ານຊາບ ດັ່ງນີ້ :
“ ໂດຍພື້ນຖານແມ່ນເຫັນດີຕາມການສະເໜີຂອງກະຊວງອຸດສາຫະກຳ ແລະ ການຄ້າ ກ່ຽວກັບລາຍການຜະລິດຕະພັນໄມ້ອະນຸມັດໃຫ້ສົ່ງອອກ ແລະ ບໍ່ອະນຸມັດໃຫ້ສົ່ງອອກ, ແຕ່ໃຫ້ປັບປຸງລາຍການຜະລິດຕະພັນໄມ້ ທີ່ມີຄວາມສ່ຽງ (ເປັນຊ່ອງຫວ່າງ) ໃນການຄຸ້ມຄອງການສົ່ງອອກ ຕາມການຕົກລົງຂອງກອງປະຊຸມນາຍົກ-ຮອງນາຍົກລັດຖະມົນຕີ. ສຳລັບການຈັດຕັ້ງປະຕິບັດຕົວຈິງ ມອບໃຫ້ກະຊວງອຸດສາຫະກຳ ແລະ ການຄ້າ, ກະຊວງກະຊິກຳ ແລະ ປ່າໄມ້ ແລະ ກະຊວງການເງິນ ເປັນຜູ່ຈັດຕັ້ງປະຕິບັດ ຕາມພາລະບົດບາດ ແລະ ຄວາມຮັບພິຊອບຂອງຂະແໜງການຕົ້ນຢ່າງເຂັ້ມງວດ.”
ດັ່ງນັ້ນ, ຈຶ່ແຈ້ງມາຍັງທ່ານເພື່ອຊາບ ແລະ ຈັດຕັ້ງປະຕິບັດຕາມເນື້ອໃນຂ້າງເທີງໃຫ້ໄດ້ຜົນດີ.
ລັດຖະມົນຕີ,
ຫົວໜ້າຫ້ອງວ່າການສຳນັກງານນາຍົກລັດຖະມົນຕີ
( ເຊັນ ແລະ ປະທັບຕາ )
ເພັດ ພົມພິພັກ
PDF
PDFກະລຸນາປະກອບຄວາມຄິດເຫັນຂອງທ່ານຂ້າງລຸ່ມນີ້ ແລະຊ່ວຍພວກເຮົາປັບປຸງເນື້ອຫາຂອງພວກເຮົາ.