ຂໍ້ມູນດັ່ງກ່າວ ໄດ້ຮັບການລາຍງານຈາກ ທ່ານ ວາລະໄຊ ເລັງສະຫັວດ, ຫົວໜ້າພະເເນກອຸດສາຫະກຳ ແລະ ການຄ້າແຂວງໄຊຍະບູລີ ໄດ້ກ່າວວ່າ: “ປະຈຸບັນທົ່ວແຂວງ ມີຫົວໜ່ວຍທຸລະກິດທັງໝົດ 8.626 ຫົວໜ່ວຍ, ມີທຶນຈົດທະບຽນທັງໝົດ 3.039,3 ຕື້ກີບ. ໃນນັ້ນ ລົງທຶນຫລາຍກວ່າໝູ່ແມ່ນຂະເເໜງບໍລິການ 3.785 ທະບຽນ, ມີທຶນ 1.220,9 ຕື້ກີບໃນຂະນະທີ່ການ ສົ່ງອອກ-ນຳເຂົ້າສິນຄ້າ ໃນ 1 ປີ ສາມາດສົ່ງອອກສິນຄ້າ ໄປຕ່າງປະເທດໄດ້ທັງໝົດ 30 ລ້ານກວ່າໂດລາສະຫະລັດ ທຽບໃສ່ແຜນການປີປະຕິບັດໄດ້ 85,83% ເຊິ່ງສິນຄ້າທີ່ສົ່ງອອກຫລາຍກວ່າໝູ່ ແມ່ນຜະລິດຕະພັນສິນຄ້າກະສິກຳ ແລະ ເຄື່ອງປ່າຂອງດົງ. ສ່ວນການນຳເຂົ້າສິນຄ້າ ຈາກຕ່າງປະເທດມີມູນຄ່າ 6 ລ້ານກວ່າໂດລາສະຫະລັດ ທຽບໃສ່ແຜນການປີປະຕິບັດ ໄດ້ 38,04% ທຽບໃສ່ໄລຍະດຽວກັນ ຂອງປີຜ່ານມາຫລຸດລົງ 65,82%. ໃນນັ້ນສິນຄ້ານຳເຂົ້າສ່ວນໃຫຍ່ ແມ່ນເຄື່ອງອຸປະໂພກ-ບໍລິໂພກ ແລະ ເຄື່ອງຮັບໃຊ້ການຜະລິດ”.
ສຳລັບທິດທາງປີ 2018 ແຂວງໄຊຍະບູລີ ຈະສູ້ຊົນເຮັດໃຫ້ການສົ່ງອອກສິນຄ້າໄປຕ່າງປະເທດໃຫ້ບັນລຸ 32 ລ້ານກວ່າໂດລາສະຫະລັດ ແລະ ການຄຸ້ມຄອງນຳເຂົ້າສິນຄ້າ ໃຫ້ຢູ່ໃນລະດັບ 18 ລ້ານກວ່າໂດລາສະຫະລັດ ບໍ່ນັບການນໍາເຂົ້າຂອງໂຄງການເຂື່ອນໄຟຟ້າ. ນອກຈາກນີ້, ກໍຍັງຊ່ວຍຊຸກຍູ້ບັນດາເຈົ້າຂອງໂຮງງານ ແລະ ກິດຈະການຕ່າງໆທີ່ມີຢູຸ່ແລ້ວ ພາຍໃນແຂວງໃຫ້ຜະລິດໄດ້ຕາມຄາດໝາຍເຊັ່ນ: ເຮັດໃຫ້ ຍອດມູນຄ່າ ການຜະລິດໄດ້ 201,75 ຕື້ກີບ ແລະ ຍອດມູນຄ່າການຈຳໜ່າຍ ຜະລິດຕະພັນໃຫ້ໄດ້ 255,33 ຕື້ກີບ.
ທີ່ມາ: ສຳນັກຂ່າວສານປະເທດລາວ, ລົງວັນທີ 24 ມັງກອນ 2018
ກະລຸນາປະກອບຄວາມຄິດເຫັນຂອງທ່ານຂ້າງລຸ່ມນີ້ ແລະຊ່ວຍພວກເຮົາປັບປຸງເນື້ອຫາຂອງພວກເຮົາ.