ເດືອນ ພຶດສະພາ ປີ 2018 ຜ່ານມາ ມູນຄ່າການນໍາເຂົ້າ ແລະ ສົ່ງອອກ ຂອງ ສປປ ລາວ ສາມາດບັນລຸໄດ້ທັງໝົດ US$ 969.1 ລ້ານ, ເພີ່ມຂຶ້ນ 11.5% ເມື່ອທຽບໃສ່ເດືອນຜ່ານມາ. ໃນນີ້: ການສົ່ງອອກປະຕິບັດໄດ້ US$ 449.1 ລ້ານ, ເພີ່ມຂຶ້ນ 11.9% ເມື່ອທຽບໃສ່ເດືອນຜ່ານມາ. ສິນຄ້າສົ່ງອອກຫຼັກປະກອບ ມີ: ໄຟຟ້າ ມູນຄ່າ US$ 114.5 ລ້ານ, ທອງ ແລະ ແຮ່ທອງ US$ 104.5 ລ້ານ, ໂຄງຮ່າງກ້ອງບັນທຶກ ພາບມູນຄ່າ US$ 24.6 ລ້ານ, ເຄື່ອງໃຊ້ໄຟຟ້າ US$ 19.3 ລ້ານ, ເຄື່ອງນຸ່ງຫົ່ມ US$ 18.9 ລ້ານ, ປະເທດສົ່ງອອກຕົ້ນຕໍແມ່ນ: ໄທ ມູນຄ່າ US$ 217.4 ລ້ານ, ຈີນ US$ 108.2 ລ້ານ, ຫວຽດນາມ US$ 66.4 ລ້ານ, ອິນເດຍ US$ 13.2 ລ້ານ ແລະ ເຢຍລະມັນ US$ 8.1 ລ້ານ.
ສ່ວນການນໍາເຂົ້າບັນລຸໄດ້ US$ 520.1 ລ້ານ, ເພີ່ມຂຶ້ນ 11.2% ເມື່ອທຽບໃສ່ເດືອນຜ່ານມາ, ສິນຄ້າທີ່ນຳເຂົ້າຕົ້ນຕໍ ແມ່ນ: ນໍ້າມັນເຊຶ້ອໄຟ (ນໍ້າມັນແອັດຊັງ, ກາຊວນ ແລະ ກາດ) ມູນຄ່າ US$ 63 ລ້ານ, ພາຫະນະທາງບົກ ແລະ ຊິ້ນສ່ວນອາໄຫຼ່ ມູນຄ່າ US$ 61.7 ລ້ານ, ເຄື່ອງໃຊ້ໄຟຟ້າ US$ 38.2 ລ້ານ, ອຸປະກອນກົນຈັກ ມູນຄ່າ US$ 35.7 ລ້ານ, ເຫຼັກ ແລະ ອຸປະກອນທີ່ເຮັດດ້ວຍເຫຼັກ US$ 24.3 ລ້ານ. ປະເທດທີ່ ສປປ ລາວ ນໍາເຂົ້າສ່ວນໃຫຍ່ ຍັງແມ່ນບັນດາປະເທດທີ່ມີຊາຍແດນຕິດຈອດ ເຊັ່ນ: ໄທມູນຄ່າ US$ 297 ລ້ານ, ຈີນ US$ 96.2 ລ້ານ ແລະ ຫວຽດນາມ ມູນຄ່າ US$ 69.1 ລ້ານ. ນອກນັ້ນ, ຍັງນໍາເຂົ້າມາຈາກປະເທດ ສ.ເກົາຫຼີ US$ 8.8 ລ້ານ, ຍີ່ປຸ່ນ US$ 8.7 ລ້ານ, ອິນໂດເນເຊຍ US$ 7.4 ລ້ານ ແລະ ອົດສະຕາລີ US$ 5.6 ລ້ານ.
ກະລຸນາປະກອບຄວາມຄິດເຫັນຂອງທ່ານຂ້າງລຸ່ມນີ້ ແລະຊ່ວຍພວກເຮົາປັບປຸງເນື້ອຫາຂອງພວກເຮົາ.