ເດືອນ ມີຖຸນາ ປີ 2018 ຜ່ານມາ ມູນຄ່າການນໍາເຂົ້າ ແລະ ສົ່ງອອກ ຂອງ ສປປ ລາວ ສາມາດບັນລຸໄດ້ທັງໝົດ US$ 796.7 ລ້ານ, ຫຼຸດລົງ 17.8% ເມື່ອທຽບໃສ່ເດືອນຜ່ານມາ. ໃນນີ້:ການສົ່ງອອກປະຕິບັດໄດ້ US$ 400.7 ລ້ານ, ຫຼຸດລົງ 10.8% ເມື່ອທຽບໃສ່ເດືອນຜ່ານມາ. ສິນຄ້າ ສົ່ງອອກຫຼັກປະກອບມີ: ທອງ ແລະ ແຮ່ທອງ US$ 93 ລ້ານ, ໄຟຟ້າ ມູນຄ່າ US$ 89.8 ລ້ານ, ເຄື່ອງໃຊ້ ໄຟຟ້າ US$ 21.1 ລ້ານ, ຄຳປະສົມ US$ 19.1 ລ້ານ, ໂຄງຮ່າງກ້ອງບັນທຶກພາບ ມູນຄ່າ US$ 17.7 ລ້ານ, ເຄື່ອງນຸ່ງຫົ່ມ US$ 15.6 ລ້ານ, ປະເທດສົ່ງອອກຕົ້ນຕໍແມ່ນ: ໄທ ມູນຄ່າ US$ 179 ລ້ານ, ຈີນ US$ 105.1 ລ້ານ, ຫວຽດນາມ US$ 59 ລ້ານ, ອິນເດຍ US$ 19 ລ້ານ ແລະ ເຢຍລະມັນ US$ 4.9 ລ້ານ.
ສ່ວນການນໍາເຂົ້າບັນລຸໄດ້ US$ 396 ລ້ານ, ຫຼຸດລົງ 23.9% ເມື່ອທຽບໃສ່ເດືອນຜ່ານມາ, ສິນຄ້າທີ່ນຳເຂົ້າຕົ້ນຕໍ ແມ່ນ: ນໍ້າມັນເຊຶ້ອໄຟ (ນໍ້າມັນແອັດຊັງ, ກາຊວນ ແລະ ກາດ) ມູນຄ່າ US$ 61.4 ລ້ານ, ພາຫະນະທາງບົກ ແລະ ຊິ້ນສ່ວນອາໄຫຼ່ ມູນຄ່າ US$ 45.8 ລ້ານ, ເຄື່ອງໃຊ້ໄຟຟ້າ US$ 26 ລ້ານ, ອຸປະກອນກົນຈັກ ມູນຄ່າ US$ 27.8 ລ້ານ, ເຫຼັກ ແລະ ອຸປະກອນທີ່ເຮັດດ້ວຍເຫຼັກ US$ 17.6 ລ້ານ. ປະເທດທີ່ ສປປ ລາວ ນໍາເຂົ້າສ່ວນໃຫຍ່ ຍັງແມ່ນບັນດາປະເທດທີ່ມີຊາຍແດນຕິດຈອດ ເຊັ່ນ: ໄທມູນຄ່າ US$ 256 ລ້ານ, ຈີນ US$ 57 ລ້ານ ແລະ ຫວຽດນາມ ມູນຄ່າ US$ 49 ລ້ານ. ນອກນັ້ນ, ຍັງນໍາເຂົ້າມາຈາກປະເທດ ຍີ່ປຸ່ນ US$ 6.3 ລ້ານ, ສ.ເກົາຫຼີ US$ 3 ລ້ານ, ແບນຊິກ US$ 3 ລ້ານ ແລະ ຮົງກົງ US$ 2.2 ລ້ານ.
ກະລຸນາປະກອບຄວາມຄິດເຫັນຂອງທ່ານຂ້າງລຸ່ມນີ້ ແລະຊ່ວຍພວກເຮົາປັບປຸງເນື້ອຫາຂອງພວກເຮົາ.