ສາທາລະນະລັດ ປະຊາທິປະໄຕ ປະຊາຊົນລາວ
ສັນຕິພາບ ເອກະລາດ ປະຊາທິປະໄຕ ເອກະພາບ ວັດທະນາຖາວອນ

ກະຊວງສາທາລະນະສຸກ              ເລກທີ 899/ສທ
ນະຄອນຫຼວງວຽງຈັນ,ວັນທີ 12 JUN 2014

ຄຳສັ່ງ
ຂອງລັດຖະມົນຕີວ່າການກະຊວງສາທາລະນະສຸກ

  • ອີງຕາມ ກົດໝາຍ ວ່າດ້ວຍ ການເສບຕິດ ສະບັບ ເລກທີ 10/ສພຊ, ລົງວັນທີ 25 ທັນວາ 2007;
  • ອີງຕາມ ກົດໝາຍ ວ່າດ້ວຍ ຢາ ແລະ ຜະລິດຕະພັນການແພດ ສະບັບ ເລກທີ 07/ສພຊ, ລົງວັນທີ 21 ທັນວາ 2011;
  • ອີງຕາມ ສົນທິສັນຍາ ຂອງອົງການສະຫະປະຊາຊາດ ປີ 1961 ວ່າດ້ວຍຢາເສບຕິດ, ປີ 1971 ວ່າດ້ວຍວັດຖຸອອກລິດຕໍ່ຈິດປະສາດ, ປີ 1988 ວ່າດ້ວຍການຕ້ານການລັກລອບຄ້າຢາເສບຕິດ, ວັດຖຸອອກລິດຕໍ່ຈິດປະສາດ (ມາດຕາ12 ວ່າດ້ວຍສານເຄມີຕົ້ນ);
  • ອີງຕາມ ດຳລັດຂອງນາຍຍົກ ລັດຖະມົນຕີ ສະບັບ ເລກທີ 178/ນຍ, ລົງວັນທີ 5 ເມສາ 2012 ວ່າດ້ວຍ ການຈັດຕັ້ງ ແລະ ການເຄື່ອນໄຫວ ຂອງກະຊວງສາທາລະນະສຸກ;
  • ອີງຕາມ ທິດຊີ້ນຳ ຂອງ ພະນະທ່ານ ຮອງນ່າຍຍົກລັດຖະມົນຕີ, ຜູ້ຊີ້ນຳວຽກງານວັດທະນະທຳ-ສັງຄົມ ຄັ້ງວັນທີ 23 ພຶດສະພາ 2014.

ເພື່ອເຮັດໃຫ້ການຄຸ້ມຄອງການນຳເຂົ້າ ແລະ ນຳໃຊ້ຢາປິ່ນປົວປະເພດຢາເສບຕິດ ແລະ ວັດຖຸອອກລິດຕໍ່ຈິດ-ປະສາດ ຮັບປະກັນ ແລະ ຫຼີກເວັ້ນການສວຍໃຊ້ໃນທາງທີ່ຜິດກົດໝາຍ.

ລັດຖະມົນຕີ ວ່າການກະຊວງສາທາລະນະສຸກ ອອກຄຳສັ່ງ:

ເກືອດຫ້າມຢ່າງເດັດຂາດການນຳເຂົ້າ, ສົ່ງອອກ, ຈຳໜ່າຍ, ຊື້ຂາຍ, ຄອບຄອງ, ຂົນສົ່ງ, ນຳຜ່ານປຸງແຕ່ງ ແລະ ນຳໃຊ້ສານຊູໂດອີຟີດຣີນ (Pseudoephedrine) ຢູ່ ສປປ ລາວ .

ດັ່ງນັ້ນ,ຈຶ່ງມອບໃຫ້ພາກສ່ວນທີ່ກjຽວຂ້ອງຈົ່ງພ້ອມກັນຈັດຕັ້ງປະຕິບັດຄຳສັ່ງສະບັບນີ້ຢ່າງເຂັ້ມງວດ. ຄຳສັ່ງສະບັບນີ້ມີຜົນສັກສິດນັບແຕ່ມື້ລົງລາຍເຊັນເປັນຕົົ້ນໄປ.

ລັດຖະມົນຕີ ວ່າການກະຊວງສາທາລະນະສຸກ.
ສາດສະດາຈານ ດຣ. ເອກສະຫວ່າງ ວົງວິຈິດ

 

ທ່ານຄິດວ່າຂໍ້ມູນນີ້ມີປະໂຫຍດບໍ່?
ກະລຸນາປະກອບຄວາມຄິດເຫັນຂອງທ່ານຂ້າງລຸ່ມນີ້ ແລະຊ່ວຍພວກເຮົາປັບປຸງເນື້ອຫາຂອງພວກເຮົາ.