ໃບຢັ້ງຢືນແຫຼ່ງກຳເນີດສິນຄ້າບໍ່ແມ່ນ ເງື່ອນ ໄຂບັງຄັບທີ່ຕ້ອງຂໍອະນຸຍາດສຳລັບການສົ່ງອອກສິນຄ້າທຸກຄັ້ງ, ແຕ່ ເປັນ ການນຳໃຊ້ເພື່ອຂໍຫຼຸດຜ່ອນ ຫຼື ຍົກເວັ້ນພາສີນຳເຂົ້າຂອງ ປະ ເທດ ປາຍທາງ ຊຶ່ງຈະເຮັດໃຫ້ຜູ້ສົ່ງອອກສາມາດປະຢັດຕົ້ນທຶນ ແທນທີ່ຈະຕ້ອງເສຍພາສີ ໃນອັດຕາປົກກະຕິ(MFN). ໝາຍຄວາມວ່າຖ້າຜູ້ນຳເຂົ້າບໍ່ຕ້ອງການເອກະສານດັ່ງກ່າວກໍສາມາດດຳເນີນຂັ້ນຕອນການສົ່ງອອກແບບປົກກະຕິໂດຍບໍ່ຈຳເປັນຕ້ອງຂໍໃບຢັ້ງຢືນແຫຼ່ງກຳເນີດສິນຄ້າ. ສຳລັບ ຜູ້ ສົ່ງ ອອກທີ່ຕ້ອງການໃບຢັ້ງຢືນແຫຼ່ງກຳເນີດສິນຄ້າ ຕ້ອງປະກອບເອກະສານໃຫ້ຄົບຖ້ວນຕາມລະບຽບ ໃນ ການ ອອກ ໃບ CO, ເຊິ່ງມີຂັ້ນຕອນ ແລະ ລາຍລະອຽດດັ່ງນີ້:
ສຳລັບການອອກໃບຢັ້ງຢືນແຫຼ່ງກໍາເນີດສິນຄ້າ (CO) ແບບເຈ້ຍສໍ:
1.ຜູ້ປະກອບການຢື່ນຄໍາຮ້ອງເພື່ອຂໍໃບຢັ້ງຢືນແຫຼ່ງກໍາເນີດສິນຄ້າໃຫ້ຫ້ອງການເຈົ້າໜ້າທີ່ໃບຢັ້ງຢືນແຫຼ່ງກໍາເນີດສິນຄ້າ ປະກອບມີ:
- ໃບຄໍາຮ້ອງຂອງບໍລິສັດ
- ສໍາເນົາໃບຮັບຮອງສິນຄ້າໄດ້ແຫຼ່ງກໍາເນີດ (CPE) ທີ່ຍັງມີອາຍຸການນຳໃຊ້
- ແບບຟອມ (CO) ທີ່ຕື່ມຂໍ້ມູນແລ້ວ
- ໃບແຈ້ງລາຄາ ແລະ ໃບຫຸ້ມຫໍ່ສີນຄ້າ
- ໃບແຈ້ງພາສີເປັນລາຍລະອຽດ
- ສໍາເນົາໃບຂົນສົ່ງ
2. ເຈົ້າໜ້າທີ່ກວດເອກະສານເພື່ອຄວາມຖືກຕ້ອງ/ແຈ້ງຄືນໃຫ້ບໍລິສັດ/ອະນຸມັດຟອມ
3. ເຈົ້າໜ້າທີ່ພິຈາລະນາເຊັນ, ປະທັບຕາໃສ່ໃບ CO
4. ຈ່າຍຄ່າທໍານຽມ
5. ນໍາໃບບີນຮັບເງິນມາສະແດງເພື່ອຮັບໃບ CO
ສຳລັບການອອກໃບຢັ້ງຢືນແຫຼ່ງກໍາເນີດສິນຄ້າ (CO) ຜ່ານທາງລະບົບເອເລັກໂຕຣນິກ (e-CO):
1. ຜູ້ປະກອບການຕື່ມຂໍ້ມູນໃສ່ຟອມ CO ແລະ ຄັດຕິດເອກະສານກ່ຽວຂ້ອງເປັນໄຟລ໌ PDF ຜ່ານເວັບໄຊ www.ecolao.gov.la ປະກອບມີ:
- ໃບຄໍາຮ້ອງຂອງບໍລິສັດ
- ສໍາເນົາໃບ (CPE) (ຢູ່ໃນຖານຂໍ້ມູນແລ້ວ) ທີ່ ຍັງ ມີ ອາຍຸ ການ ນຳ ໃຊ້
- ແບບຟອມ (CO) (ຢູ່ໃນຖານຂໍ້ມູນແລ້ວ)
- ໃບແຈ້ງລາຄາ ແລະ ຫຸ້ມຫໍ່ສິນຄ້າ
- ໃບແຈ້ງພາສີເປັນລາຍລະອຽດ
- ສໍາເນົາໃບຂົນສົ່ງ
2. ເຈົ້າໜ້າທີ່ກວດເອກະສານເພື່ອຄວາມຖືກຕ້ອງ/ແຈ້ງຄືນໃຫ້ບໍລິສັດ/ອະນຸມັດຟອມ ແລະ ພິມຟອມອອກ
3. ເຈົ້າໜ້າທີ່ພິຈາລະນາເຊັນ, ປະທັບຕາໃສ່ໃບ CO
4. ຈ່າຍຄ່າທໍານຽມ
5. ນໍາໃບບີນຮັບເງິນມາສະແດງເພື່ອຮັບໃບ CO
ການອອກໃບຢັ້ງຢືນແຫຼ່ງກໍາເນີດສິນຄ້າ (CO) ແບບເຈ້ຍສໍ ໃຊ້ເວລາ 04 ຊົ່ວໂມງ ແຕ່ວ່າໃນເດືອນ 01 ປີ 2019 ຄາດວ່າຈະຫຼຸດເວລາລົງ 03 ຊົ່ວໂມງ ໝາຍຄວາມວ່າເຫຼືອພຽງ 01 ຊົ່ວໂມງ/ຊຸດ. ການອອກໃບຢັ້ງຢືນແຫຼ່ງກໍາເນີດສິນຄ້າ (CO) ທາງເອເລັກໂຕຣນິກ (e-CO) ໃຊ້ເວລາ 02 ຊົ່ວໂມງ ແຕ່ວ່າໃນເດືອນ 01 ປີ 2019 ຄາດວ່າຈະຫຼຸດເວລາລົງ 1 ຊົ່ວໂມງ 30 ນາທີ ໝາຍຄວາມວ່າເຫຼືອພຽງ 30 ນາທີ/ຊຸດ. ພ້ອມດຽວກັນນັ້ນ, ຄາດວ່າພະນັກງານຜູ້ໜຶ່ງສາມາດອອກໃບ CO ທາງເຈ້ຍສໍ ປະມານ20ຊຸດ/ມື້ ແລະ ທາງເອເລັກໂຕຣນິກ (e-CO) ປະມານ 30 ກວ່າຊຸດ/ມື້. ໃນໄລຍະນີ້, ກະຊວງອຸດສາຫະກຳ ແລະ ການຄ້າກຳລັງທົດລອງສຳລັບການອອກໃບຢັ້ງຢືນແຫຼ່ງກໍາເນີດສິນຄ້າ (CO) ທາງເອເລັກໂຕຣນິກ (e-CO) ໂດຍພິມໃບ CO ອອກພ້ອມລົງ ລາຍ ເຊັນ ແລະ ປະທັບກາຂອງ ບໍລິສັດໃສ່ ເທິງ ແບບ ຟອມ CO ເຊິ່ງຜູ້ປະກອບການສາມາດເຂົ້າມາຈ່າຍຄ່າທໍານຽມ ແລະ ຮັບໃບ CO ໄດ້ເລີຍ ໂດຍທີ່ບໍ່ຈຳເປັນຕ້ອງພິມດ້ວຍຕົວເອງ.
ກະລຸນາປະກອບຄວາມຄິດເຫັນຂອງທ່ານຂ້າງລຸ່ມນີ້ ແລະຊ່ວຍພວກເຮົາປັບປຸງເນື້ອຫາຂອງພວກເຮົາ.