ສຳລັບບໍລິສັດ (ນັກລົງທຶນຕ່າງປະເທດ), ທີ່ນຳເຂົ້າທຶນຈົດທະບຽນມາ ສປປ ລາວ ໂດຍຜ່ານທະນາຄານແມ່ນຈຳເປັນຕ້ອງປະກອບເອກະສານໃບຢັ້ງຢືນການນຳເຂົ້າທຶນຕາມມູນຄ່າທຶນຈົດທະບຽນໃຫ້ຄົບ 100%. ຂັ້ນຕອນໃນການປະກອບເອກະສານດັ່ງກ່າວມີດັ່ງນີ້:
1. ໃບຄຳຮ້ອງຕາມແບບຂອງທະນາຄານແຫ່ງ ສປປ ລາວ.
2. ສຳເນົາ ໃບທະບຽນວິສາຫະກິດ.
3. ສຳເນົາໃບທະບຽນສຳປະທານອອກໃຫ້ໂດຍກະຊວງແຜນການ ແລະ ການລົງທຶນ (ກໍລະນີສຳປະທານ).
4. ສຳເນົາໃບຢັ້ງຢືນການມອບພັນທະອາກອນປະຈຳປີ.
5. ສຳເນົາ ໃບຢັ້ງຢືນການນຳເຂົ້າທຶນຈາກຕ່າງປະເທດຂອງ (ປີຫຼ້າສຸດ) ທີ່ອອກໃຫ້ໂດຍທະນາຄານແຫ່ງ ສປປ ລາວ.
6. (ກ) ຖ້າບໍລິສັດໄດ້ນໍາທຶນເຂົ້າເປັນເງິນຕາຕ່າງປະເທດ ໂດຍຜ່ານລະບົບທະນາຄານ, ຕ້ອງມີເອກະສານຄັດຕິດຈາກທະນາຄານທຸລະກິດຢູ່ ສປປ ລາວ ທີ່ບໍລິສັດໄດ້ເປີດບັນຊີ ດັ່ງນີ້:
- ໃບແຈ້ງເງິນເຂົ້າບັນຊີ (AVIS CREDIT NOTE ຫຼື SWIFT MESSAGE);
- ໃບລາຍງານບັນຊີສໍາຮອງ (STATEMENT).
• ກໍລະນີທີ່ ບໍລິສັດໄດ້ນຳທຶນເຂົ້າມາເປັນເງິນຕາທີ່ໄດ້ກູ້ຢືມມາຈາກຕ່າງປະເທດ, ຕ້ອງມີເອກະສານຄັດຕິດດັ່ງນີ້:
- ສໍາເນົາໃບອະນຸຍາດກູ້ຢືມເງິນຈາກຕ່າງປະເທດ ອອກໂດຍທະນາຄານແຫ່ງ ສປປ ລາວ (ກົມນະໂຍບາຍເງິນຕາ).
(ຂ) ຖ້າບໍລິສັດໄດ້ນໍາທຶນເຂົ້າມາຈາກຕ່າງປະເທດ ເຊັ່ນ: ເຄື່ອງຈັກ, ພາຫະນະ, ອຸປະກອນເພື່ອນຳໃຊ້ໃນການຜະລິດ ແລະ ເຄື່ອງຮັບໃຊ້ຫ້ອງການຕ່າງໆ ຕ້ອງມີເອກະສານຄັດຕິດ ດັ່ງນີ້:
- ສໍາເນົາໃບອະນຸຍາດນໍາເຂົ້າສິນຄ້າ;
- ໃບສັ່ງຊື້ສິນຄ້າ (INVOICE);
- ສໍາເນົາໃບແຈ້ງສິນຄ້າຂາເຂົ້າ (ບໍ 40 ຫຼື ບໍ 11) 1 ສະບັບ ຫຼື ໃບແຈ້ງພາສີ ເປັນລາຍລະອຽດ.
(ຄ) ຖ້າບໍລິສັດໄດ້ນໍາທຶນເຂົ້າເປັນເງິນສົດບໍ່ຜ່ານລະບົບທະນາຄານ ຕ້ອງມີເອກະສານຄັດຕິດດັ່ງນີ້:
- ໃບຢັ້ງຢືນແຈ້ງເງິນສົດຈາກເຈົ້າໜ້າທີ່ພາສີປະຈໍາດ່ານ;
- ໃບລາຍງານບັນຊີເງິນຝາກທີ່ພົວພັນກັບເງິນສົດທີ່ນໍາເຂົ້າມາຈາກທະນາຄານທຸລະກິດໃດໜຶ່ງທີ່ຕັ້ງຢູ່ ສປປ ລາວ.
7. ເຮັດເປັນຕາຕະລາງແຍກລະອຽດກ່ຽວກັບການນຳທຶນເຂົ້າມາ ສປປ ລາວ, ມູນຄ່າທຶນທີ່ໄດ້ນຳເຂົ້າມາຕາມໃບແຈ້ງເງິນເຂົ້າບັນຊີ ຫຼື ໃບລາຍງານບັນຊີສຳຮອງ (ກໍລະນີທຶນທີ່ມີການນຳເຂົ້າມາຫຼາຍຄັ້ງພາຍໃນປີ ຫຼື ທີ່ໄດ້ນໍາເຂົ້າຫຼາຍປີຜ່ານມາແລ້ວຕາມລຳດັບ).
|
ລ/ດ |
ວັນທີ/ເດືອນ/ປີ ທຶນເຂົ້າມາ ສປປ ລາວ |
ຈຳນວນເງິນ |
ເລກບັນຊີ |
ຜ່ານທະນາຄານ |
ໝາຍເຫດ |
|
1 2 |
XX/XX/20XX XX/XX/20XX |
X.XXX.XXX X.XXX.XXX |
X X |
X X |
|
|
|
ລວມຈຳນວນເງິນທັງໝົດ |
X.XXX.XXX |
|
||
ໃນກໍລະນີທີ່ ບໍລິສັດ (ນັກລົງທຶນຕ່າງປະເທດ) ບໍ່ມີໃບຢັ້ງຢືນໃນການຂໍນຳເຂົ້າທຶນເຂົ້າມາໃນ ສປປ ລາວ ແມ່ນຈະມີຜົນຕໍ່ການໂອນເງິນອອກ ເຊິ່ງທະນາຄານທຸລະກິດຈະບໍ່ສາມາດໂອນເງິນ ຫຼື ຜົນກຳໄລ ອອກປະເທດໄດ້ ຖ້າບໍ່ມີໃບຢັ້ງຢືນດັ່ງກ່າວ.
ໃຊ້ເວລາປະມານ 05 ວັນລັດຖະການໃນການອອກໃບຢັ້ງຢືນການນຳເຂົ້າທຶນຈາກຕ່າງປະເທດທີ່ເຂົ້າມາລົງທຶນໃນ ສປປ ລາວ ແລະ ຄ່າທຳນຽມໃນການອອກໃບຢັ້ງຢືນດັ່ງກ່າວແມ່ນ 15.000 ກີບ.
ຕິດຕໍ່: ພະແນກຄຸ້ມຄອງເງິນຕາຕ່າງປະເທດ, ກົມນະໂຍບາຍເງິນຕາ, ທະນາຄານແຫ່ງ ສປປ ລາວ
ໂທ: 021-264 590; ແຟັກ: 021-263 019
ແຫຼ່ງຂໍ້ມູນ: ທະນາຄານແຫ່ງ ສປປ ລາວ
ກະລຸນາປະກອບຄວາມຄິດເຫັນຂອງທ່ານຂ້າງລຸ່ມນີ້ ແລະຊ່ວຍພວກເຮົາປັບປຸງເນື້ອຫາຂອງພວກເຮົາ.