ອີງຕາມບົດສະຫຼຸບລາຍງານສະພາບການພັດທະນາເສດຖະກິດ-ສັງຄົມ, ການຄ້າ ແລະ ການລົງທຶນຂອງ ສສ ຫວຽດນາມ ຂອງເດືອນ 11 ປີ 2018, ມູນຄ່າການຄ້າສອງຝ່າຍ ລະຫວ່າງ ລາວ-ຫວຽດນາມ ແຕ່ ເດືອນ ມັງກອນ ຫາ ເດືອນ ຕຸລາ ປີ 2018 ປະຕິບັດໄດ້ 854,56 ລ້ານໂດລາສະຫະລັດ, ເພີ່ມຂື້ນ 25,61% ເມື່ອທຽບໃສ່ໄລຍະດຽວກັນຂອງປີ 2017 (ມູນຄ່າການຄ້າສອງຝ່າຍ ຂອງປີ 2017 ປະຕິບັດ 680,33 ລ້ານໂດລາສະຫະລັດ).
ໃນນັ້ນ, ມູນຄ່າການສົ່ງອອກສິນຄ້າຂອງ ສປປ ລາວ ໄປ ສສ ຫວຽດນາມ ແຕ່ເດືອນມັງກອນ ຫາ ເດືອນຕຸລາ ປີ 2018 ປະຕິບັດໄດ້ 370,17 ລ້ານໂດລາສະຫະລັດ, ເພີ່ມຂຶ້ນ 25,81% ຖ້າສົມທຽບໃສ່ໄລຍະຜ່ານດຽວຂອງປີ 2017 (294,23 ລ້ານໂດລາສະຫະລັດ). ສິນຄ້າສົ່ງອອກຫຼັກຂອງ ສປປ ລາວ ປະກອບດ້ວຍຜະລິດຕະພັນໄມ້, ແຮ່ທາດ, ໝາກກ້ວຍ, ເຂົ້າ, ສາລີ, ມັນຕົ້ນ, ພັດລົມ, ໝໍ້ຫຸງເຂົ້າ, ໄຟຟ້າ ແລະ ອື່ນໆ.
ສ່ວນສິນຄ້ານໍາເຂົ້າຈາກ ສສ ຫວຽດນາມ ມີມູນຄ່າທັງໝົດ 454,39 ລ້ານໂດລສະຫະລັດ, ເພີ່ມຂື້ນ 25,46% ທຽບໃສ່ໄລຍະດຽວກັນຂອງປີ 2017 (386,10 ລ້ານໂດລາສະຫະລັດ) ສິນຄ້ານໍາເຂົ້າຫຼັກປະກອບມີ ເຄື່ອງໃຊ້ໃນຄົວເຮືອນ, ອາຫານທະເລ, ສາຍກາບໂທລະສັບ, ເຫຼັກກໍ່ສ້າງທຸກປະເພດ, ນໍ້າມັນເຊື້ອໄຟທຸກປະເພດ, ຍານພາຫະນະ ແລະ ອາໄຫຼ່, ກະລິງເກີ ແລະ ຊິມັງ ແລະ ອື່ນໆ.
ແຫຼ່ງຂໍ້ມູນ: ບົດສະຫຼຸບລາຍງານສະພາບການພັດທະນາເສດຖະກິດ-ສັງຄົມ, ການຄ້າ ແລະ ການລົງທຶນຂອງ ສສ ຫວຽດນາມ ຂອງເດືອນ 11 ປີ 2018, ຈາກສະຖານເອກອັກຄະລັດຖະທູດແຫ່ງ ສປປ ລາວ ປະຈໍາ ສສ ຫວຽດນາມ
ກະລຸນາປະກອບຄວາມຄິດເຫັນຂອງທ່ານຂ້າງລຸ່ມນີ້ ແລະຊ່ວຍພວກເຮົາປັບປຸງເນື້ອຫາຂອງພວກເຮົາ.