ສັນຍາ SPS
ໃນການໝູນໃຊ້ມາດຕະການດ້ານ SPS, ສປປ ລາວ ມີຄວາມພະຍາຍາມທີ່ຈະປະຕິບັດຕາມພັນທະຂອງສັນຍາ ວ່າດ້ວຍການໝູນໃຊ້ມາດຕະການ ກ່ຽວກັບ ສຸຂະນາໄມ ແລະ ສຸຂະນາໄມພືດ ຂອງ ອົງການການຄ້າໂລກ (ສັນຍາ SPS).
ສັນຍາ SPS ໄດ້ຖືກອອກແບບມາ ເພື່ອຮັບປະກັນການສະໜອງອາຫານທີ່ປອດໄພໃຫ້ແກ່ຜູ້ບໍລິໂພກ ແລະ ສິ່ງມີຊີວິດທີ່ເປັນພືດ ແລະ ສັດ ບໍ່ໃຫ້ຖືກໄພຂົ່ມຂູ່ດ້ວຍພະຍາດ ຫຼື ມີສັດຕູພືດ ທີ່ອາດນຳເຂົ້າມາພາຍໃນປະເທດຢ່າງບໍ່ຕັ້ງໃຈ.
ສັນຍາ SPS ອະນຸຍາດໃຫ້ບັນດາປະເທດ ສາມາດກຳນົດມາດຕະຖານຂອງຕົນເອງ ຖ້າຫາກວ່າມາດຕະຖານເຫຼົ່ານັ້ນແມ່ນອີງຕາມ ຫຼັກການທາງວິທະຍາສາດ ແລະ ຖ້າຫາກວ່າມາດຕະຖານເຫຼົ່ານັ້ນບໍ່ໄດ້ຖືກສ້າງຂຶ້ນໂດຍຕາມລຳພອງໃຈ ເພື່ອຈຳແນກສິນຄ້ານຳເຂົ້າ ຈາກປະເທດອື່ນໆ.
ສັນຍານີ້ ປະກອບດ້ວຍບັນຍັດ ກ່ຽວກັບ ການຄວບຄຸມ, ການກວດສອບ ແລະ ຂັ້ນຕອນການອະນຸມັດ. ອີງຕາມສັນຍານີ້, ລັດຖະບານຕ້ອງແຈ້ງຂ່າວ ກ່ຽວກັບ ລະບຽບການ ກ່ຽວກັບ ສຸຂະນາໄມ ແລະ ສຸຂະນາ ໄມພືດ ທີ່ອອກໃໝ່ ແລະ ມີການປ່ຽນແປງ ກ່ອນລ່ວງໜ້າ. ມາດຕະການໃໝ່ໃດໜຶ່ງ ຫຼື ການປ່ຽນແປງ ກ່ຽວກັບ ການຄວບຄຸມ, ການກວດສອບ ແລະ ຂັ້ນຕອນການອະນຸມັດ ຈະຖືກເຜີຍແຜ່ກ່ອນມື້ມີຜົນບັງຄັບໃຊ້ ຢູ່ໃນໜ້າປະກາດຂອງເວັບໄຊທ໌ນີ້.
ມາດຕະການ SPS ທີ່ຖືກຈັດຕັ້ງປະຕິບັດໃນ ສປປ ລາວ ເຊັ່ນດຽວກັບລາຍການສິນຄ້າທີ່ຖືກວາງມາດຕະການດັ່ງກ່າວ ແມ່ນໄດ້ຂຶ້ນບັນຊີຢູ່ໃນເວັບໄຊທ໌. ກົດບ່ອນນີ້ເພື່ອເບິ່ງບັນຊີຂອງມາດຕະການ SPS ທີ່ນຳໃຊ້ປະຈຸບັນທັງໝົດ ແລະ ໄດ້ຮັບການປັບປຸງໃໝ່.
ສັນຍາ SPS ຮຽກຮ້ອງໃຫ້ບັນດາປະເທດສະມາຊິກຂອງອົງການການຄ້າໂລກ ສ້າງຕັ້ງຈຸດສອບຖາມ ເພື່ອຕອບ ຄຳຖາມທີ່ກ່ຽວຂ້ອງກັບມາດຕະການ SPS ຈາກບັນດາປະເທດສະມາຊິກອື່ນໆ. ຂໍ້ມູນຂ່າວສານ ກ່ຽວກັບ ຈຸດ ສອບຖາມ SPS ສຳລັບ ສປປ ລາວ ແມ່ນສາມາດຊອກໄດ້ທີ່ນີ້
ຂໍ້ມູນເພີ່ມເຕີມ ກ່ຽວກັບ SPS ສາມາດຊອກໄດ້ຢູ່ໃນເວັບໄຊທ໌ຂອງອົງການການຄ້າໂລກ ກົດບ່ອນນີເພື່ອເບິ່ງເນື້ອໃນຂອງສັນຍາດັ່ງກ່າວ. ເວັບໄຊທ໌ຂອງອົງການການຄ້າໂລກ ຍັງສາມາດເຂົ້າເຖິງ ລະ ບົບບໍລິຫານຂໍ້ມູນ ກ່ຽວກັບ SPS ທີ່ກວມເອົາທຸກເອກະສານ ແລະ ບັນທຶກ ຂໍ້ມູນທີ່ກ່ຽວຂ້ອງກັບສັນຍາ SPS.
ປື້ມຄູ່ມື ອະທິບາຍ ກ່ຽວກັບ ສັນຍາ SPS ສາມາດດຶງເອົາໄດ້ ຈາກທີ່ນີ້
ກະລຸນາປະກອບຄວາມຄິດເຫັນຂອງທ່ານຂ້າງລຸ່ມນີ້ ແລະຊ່ວຍພວກເຮົາປັບປຸງເນື້ອຫາຂອງພວກເຮົາ.