ສາທາລະນະລັດ ປະຊາທິປະໄຕ ປະຊາຊົນລາວ
ສັນຕິພາບ ເອກະລາດ ປະຊາທິປະໄຕ ເອກະພາບ ວັດທະນະຖາວອນ
ຫ້ອງວ່າການແຂວງສາລະວັນ ເລກທີ 12./ຈຂ.ສວ
ສາລະວັນ, ວັນທີ 27/4/2022
ແຈ້ງການ
ເຖິງ: - ທ່ານ ຫົວຫນ້າ ກອງບັນຊາການທະຫານ ແຂວງສາລະວັນ.
- ທ່ານ ຫົວຫນ້າ ກອງບັນຊາການ ປກສ ແຂວງສາລະວັນ,
- ທ່ານ ຫົວຫນ້າ ພະແນກການເງິນ ແຂວງສາລະວັນ.
- ທ່ານ ຫົວຫນ້າ ພະແນກອຸດສາຫະກໍາ ແລະ ການຄ້າ ແຂວງ.
- ທ່ານ ຫົວຫນ້າ ພະແນກສາທາລະນະສຸກແຂວງ.
- ທ່ານ ຫົວຫນ້າ ພະແນກກະສິກໍາ ແລະ ປ່າໄມ້ແຂວງ.
- ທ່ານ ຫົວຫນ້າ ພະແນກການຕ່າງປະເທດແຂວງ.
- ທ່ານ ເຈົ້າເມືອງລະຄອນເພັງ.
ເລື່ອງ: ແຈ້ງການເປີດດ່ານທ້ອງຖິ່ນປາກຕະພານ ເມືອງລະຄອນເພັງ ແຂວງສາລະວັນ.
- ອີງຕາມ ຫນັງສືທາງລັດຖະການ ຂອງຫ້ອງການກະຊວງການຕ່າງປະເທດ ສະບັບເລກທີ 452/ຫກ.ຫຄຊ.4, ລົງວັນທີ 14 ກຸມພາ 2022.
- ອີງຕາມ ການຕົກລົງເຫັນດີເປັນເອກະພາບພາຍໃນກອງປະຊຸມປຶກສາຫລືກ່ຽວກັບການກະກຽມຄວາມພ້ອມ ເພື່ອເປີດດ່ານທ້ອງຖິ່ນປາກຕະພານ ເມືອງລະຄອນເພັງ, ຄັ້ງວັນທີ 17 ມີນາ 2022.
ປະທານຄະນະກໍາມະການຊາຍແດນຂັ້ນແຂວງ ອອກແຈ້ງການດັ່ງນີ້:
1. ເພື່ອເປີດຄືນດ່ານທ້ອງຖິ່ນປາກຕະພານ ເມືອງລະຄອນເພັງ ແຂວງສາລະວັນ ເພື່ອສົ່ງອອກ ແລະ ນໍາເຂົ້າສິນຄ້າ ຕາມລະບຽບການ ເຫັນດີໃຫ້ດ່ານທ້ອງຖິ່ນປາກຕະພານ ແລະ ດ່ານປາກແຊງ ນໍາເຂົ້າ-ສົ່ງອອກສິນຄ້າໄດ້.
2. ໃຫ້ອົງການປົກຄອງເມືອງລະຄອນເພັງ ແລະ ພະແນກການທີ່ກ່ຽວຂ້ອງຂັ້ນແຂວງ ລາຍງານຄວາມພ້ອມໃນການ ເປີດດ່ານ ມາເປັນລາຍລັກອັກສອນຕໍ່ອົງການປົກຄອງແຂວງ ຮັບຊາບ ແລ້ວສາມາດເປີດດ່ານໃນຄວາມຮັບຜິດຊອບຂອງ ຕົນ ເພື່ອບໍລິການສົ່ງອອກ-ນໍາເຂົ້າສິນຄ້າ ພ້ອມທັງລາຍງານສະພາບການໃຫ້ອົງການປົກຄອງແຂວງຮັບຊາບ ເມື່ອເຫັນວ່າມີ ສະພາບຄວາມສ່ຽງ ຫຼື ປະກົດການຫຍໍ້ທໍ້ເກີດຂຶ້ນ.
3. ໃຫ້ກອງບັນຊາການທະຫານແຂວງ ແລະ ກອງບັນຊາການ ປກສ ແຂວງ ແລະ ເມືອງລະຄອນເພັງ ເປັນເຈົ້າການ ຕິດຕາມກວດກາ ສາລະເວ ເພື່ອປ້ອງກັນ ແລະ ຮັກສາຄວາມສະຫງົບຕາມເລວຊາຍແດນ ແລະ ລໍາແມ່ນ້ໍາຂອງຕາມຄວາມ ຮັບຜິດຊອບຂອງຕົນ.
4. ໃຫ້ພະແນກ ແລະ ພາກສ່ວນຕ່າງໆໃນທົ່ວແຂວງສາລະວັນ ທີ່ມີສ່ວນພົວພັນກັບກິດຈະການສົ່ງອອກ-ນໍາເຂົ້າ.
ດັ່ງນັ້ນ, ຈິ່ງແຈ້ງມາຍັງທ່ານເພື່ອຊາບ ແລະ ຈັດຕັ້ງປະຕິບັດຢ່າງເຂັ້ມງວດດ້ວຍ.
ຮອງເຈົ້າແຂວງສາລະວັນ
(ປະທານຄະນະກໍາມະການຊາຍແດນຂັ້ນແຂວງ)
ພູທົງ ຄໍາມະນີວົງ
PDF
PDFກະລຸນາປະກອບຄວາມຄິດເຫັນຂອງທ່ານຂ້າງລຸ່ມນີ້ ແລະຊ່ວຍພວກເຮົາປັບປຸງເນື້ອຫາຂອງພວກເຮົາ.