ສາທາລະນະລັດ ປະຊາທິປະໄຕ ປະຊາຊົນລາວ

ສັນຕິພາບ ເອກະລາດ ປະຊາທິປະໄຕ ເອກະພາບ ວັດທະນະຖາວອນ

 

ກະຊວງອຸດສາຫະກໍາ ແລະ ການຄ້າ

ເລກທີ 0818/ອຄ

ນະຄອນຫຼວງວຽງຈັນ, ວັນທີ 30 ພຶດສະພາ 2023

 

ແຈ້ງການ

ຮຽນ:   - ບັນດາ ທ່ານ ເຈົ້າແຂວງ, ເຈົ້າຄອງນະຄອນຫຼວງວຽງຈັນ ທີ່ນັບຖື;

- ບັນດາ ທ່ານ ຫົວຫນ້າພະແນກ ອຸດສາຫະກໍາ ແລະ ການຄ້າ ແຂວງ, ນະຄອນຫຼວງວຽງຈັນ.

ເລື່ອງ:   ການຢຸດຕິການນໍາເຂົ້ານໍ້າມັນເຊື້ອໄຟຂອງບາງແຂວງທີ່ມີເງື່ອນໄຂໃນໄລຍະທົດລອງ ຕາມຂໍ້ຕົກລົງເລກທີ 0997/ອຄ, ລົງວັນທີ 29 ກໍລະກົດ 2022.

  • ອີງຕາມ ດໍາລັດ ວ່າດ້ວຍການຈັດຕັ້ງ ແລະ ການເຄື່ອນໄຫວ ຂອງ ກະຊວງອຸດສາຫະກໍາ ແລະ ການຄ້າ ເລກ ທີ 604/ນຍ, ລົງວັນທີ 15 ຕຸລາ 2021;
  • ອີງຕາມ ແຈ້ງການຂອງຫ້ອງວ່າການສໍານັກງານນາຍົກລັດຖະມົນຕີ ເລກທີ 665/ຫສນຍ, ລົງວັນທີ 24 ເມສາ 2023.

ກະຊວງອຸດສາຫະກໍາ ແລະ ການຄ້າ ຂໍຖືເປັນກຽດ ແຈ້ງທິດຊີ້ນໍາ ຂອງ ທ່ານ ນາຍົກລັດຖະມົນຕີ ກ່ຽວກັບ ການນໍາເຂົ້ານໍ້າມັນເຊື້ອໄຟຂອງບັນດາແຂວງ ຕາມຂໍ້ຕົກລົງເລກທີ 0997/ອຄ, ລົງວັນທີ 29 ກໍລະກົດ 2022 ມາຍັງທ່ານ ເພື່ອຈັດຕັ້ງປະຕິບັດ ດັ່ງນີ້:

  1. ໃຫ້ ແຂວງ ຢຸດຕິການອະນຸມັດການນໍາເຂົ້ານໍ້າມັນເຊື້ອໄຟໃຫ້ແກ່ວິສາຫະກິດພາຍໃນແຂວງນໍາເຂົ້ານໍ້າມັນ ເຊື້ອໄຟ ຕາມຂໍ້ຕົກລົງວ່າດ້ວຍການອະນຸມັດໃຫ້ນໍາເຂົ້ານໍ້າມັນເຊື້ອໄຟຂອງບາງແຂວງທີ່ມີເງື່ອນໄຂໄນໄລຍະ ທົດລອງ ເລກທີ 0997/ອຄ, ລົງວັນທີ 29 ກໍລະກົດ 2022 ແລະ ແຈ້ງການສືບຕໍ່ ເລກທີ 0622/ຫອຄ, ລົງວັນທີ 21 ມີນາ 2023.
  2. ການນໍາເຂົ້ານໍ້າມັນເຊື້ອໄຟ ແມ່ນໃຫ້ປະຕິບັດຕາມ ດໍາລັດວ່າດ້ວຍທຸລະກິດນໍ້າມັນເຊື້ອໄຟ ເລກທີ 331/ນຍ, ລົງວັນທີ 27 ຕຸລາ 2017 ແລະ ຂໍ້ຕົກລົງວ່າດ້ວຍການນໍາເຂົ້ານໍ້າມັນເຊື້ອໄຟ ແລະ ນໍ້າມັນຫຼໍ່ລື່ນ ເລກທີ 0317/ອຄ, ລົງວັນທີ 21 ມີນາ 2022 ຢ່າງເຂັ້ມງວດ.
  3. ມອບໃຫ້ ພະແນກ ອຸດສາຫະກໍາ ແລະ ການຄ້າ ແຂວງ ແຈ້ງໃຫ້ ວິສາຫະກິດທີ່ແຂວງໄດ້ອະນຸມັດຜ່ານມາ ຫຼື ກໍາລັງສະເຫນີຫາແຂວງເພື່ອພິຈາລະນາ ເພື່ອຮັບຊາບ ແລະ ປະຕິບັດຕາມເນື້ອໃນແຈ້ງການສະບັບນີ້.

          ດັ່ງນັ້ນ, ຈຶ່ງແຈ້ງມາຍັງ ທ່ານ ເພື່ອຊາບ ແລະ ປະຕິບັດຕາມເນື້ອໃນແຈ້ງການສະບັບນີ້ດ້ວຍ.

 

ລັດຖະມົນຕີ

ມະໄລທອງ ກົມມະສິດ

ທ່ານຄິດວ່າຂໍ້ມູນນີ້ມີປະໂຫຍດບໍ່?
ກະລຸນາປະກອບຄວາມຄິດເຫັນຂອງທ່ານຂ້າງລຸ່ມນີ້ ແລະຊ່ວຍພວກເຮົາປັບປຸງເນື້ອຫາຂອງພວກເຮົາ.