ລັດຖະບານສອງປະເທດ ລາວ-ກໍາປູເຈຍ ຕົກລົງທີ່ຈະສ້າງຕັ້ງຄະນະກຳມະການການຄ້າຮ່ວມ ເພື່ອເປັນການສະໜັບສະໜູນການຂະຫຍາຍຕົວທາງດ້ານການຄ້າ ແລະ ລົບລ້າງຂໍ້ຈຳກັດ, ສິ່ງກີດຂວາງທີ່ເປັນອຸປະສັກ ຕໍ່ການຄ້າລະຫວ່າງສອງປະເທດ ໂດຍສະເພາະແມ່ນການຄ້າຊາຍແດນ, ການສ້າງຕັ້ງຄະນະກຳມະການດັ່ງກ່າວນີ້ ຈະເປັນການກະຕຸກ ຊຸກຍູ້ການຮ່ວມມືລະຫວ່າງພາກເອກະຊົນຂອງທັງສອງປະເທດ, ໂດຍສະເພາະແມ່ນ ການຜະລິດສິນຄ້າກະສິກຳຕາມຊາຍແດນ.

ໄລຍະຜ່ານມາການຈັດຕັ້ງປະຕິບັດວຽກງານການຄ້າຊາຍແດນລະຫວ່າງສອງປະເທດ ລາວ-ກໍາປູເຈຍ ແມ່ນຍັງບໍ່ທັນໄດ້ຮັບປະສິດທິຜົນເທົ່າທີ່ຄວນ (ດັ່ງສະແດງໃນຕາຕະລາງຂ້າງລຸ່ມນີ້), ດັ່ງນັ້ນ, ທັງສອງຝ່າຍຈິ່ງຮຽກຮ້ອງໃຫ້ມີການຮ່ວມມືກັນຫລາຍຂື້ນ ເຊັ່ນ ການຫ້າມລັກລອບນຳເຂົ້າແບບບໍ່ເສຍພາສີ ແລະ ການສ້າງຕັ້ງຕະຫລາດຊື້ຂາຍຕາມຊາຍແດນເພື່ອຊຸກຍູ້ການພັດທະນາການຄ້າຊາຍແດນ.

ຕາຕະລາງສັງລວມມູນຄ່າການຄ້າລະຫວ່າງ ລາວ-ກຳປູເຈຍ, ແຫລ່ງຂໍ້ມູນ: ກົມການນຳເຂົ້າ-ສົ່ງອອກ  ກະຊວງອຸດສາຫະກຳ ແລະ ການຄ້າ)  

ລະຫວ່າງປະເທດລາວ-ກຳປູເຈຍມີດ່ານສາກົນພຽງແຫ່ງດຽວຄືດ່ານສາກົນ ຕຼາເປັນກຽວ, ຢູ່ແຂວງຖັງເທ ເຊິ່ງມີຊາຍແດນຮ່ວມກັບດົງກະລໍຂອງລາວ ໂດຍການຮ່ວມມືຄັ້ງນີ້ ຈະກາຍເປັນລິເລີ່ມທີ່ດີ ສຳຫລັບການພັດທະນາ ໃນອະນາຄົດຂອງວຽກງານຊາຍແດນ, ເພາະວ່າ ພາຍຫລັງຈາກການສ້າງຕັ້ງຄະນະກຳມະການດັ່ງກ່າວນີ້ ທັງສອງຝ່າຍຈະມີກິດຈະກຳທາງດ້ານການຄ້າຮ່ວມກັນຫລາຍຂື້ນ.

ແຫລ່ງຂໍ້ມູນ: www.phnompenhpost.com

ທ່ານຄິດວ່າຂໍ້ມູນນີ້ມີປະໂຫຍດບໍ່?
ກະລຸນາປະກອບຄວາມຄິດເຫັນຂອງທ່ານຂ້າງລຸ່ມນີ້ ແລະຊ່ວຍພວກເຮົາປັບປຸງເນື້ອຫາຂອງພວກເຮົາ.

Your opinion matters!

ຂອບໃຈ ສຳລັບຄຳຄິດເຫັນຂອງທ່ານ.

Close