ສາທາລະນະລັດ ປະຊາທິປະໄຕ ປະຊາຊົນລາວ
ສັນຕິພາບ ເອກະລາດ ປະຊາທິປະໄຕ ເອກະພາບ ວັດທະນະຖາວອນ

ກະຊວງສາທາລະນະສຸກ         ເລກທີ 08/ກຊສ
ນະຄອນຫລວງວຽງຈັນ, ວັນທີ 04 ມັງກອນ 2005

ຂໍ້ຕົກລົງຂອງກະຊວງສາທາລະນະສຸກວ່າດ້ວຍບັນຊີປະເພດ
ຢາເສບຕິດ, ວັດຖຸອອກລິດຕໍ່ຈິດ-ປະສາດ ແລະ ສານເຄມີຕົ້ນ

• ອີງຕາມ ກົດຫມາຍອາຍາ, ມາດຕາ 135 ( ະບັບດັດແກ້);
• ອີງຕາມ ກົດຫມາຍວ່າດ້ວຍຢາ ແລະ ຜະລິດຕະພັນການແພດ ມາດຕາ18 (ການຈັດປະເພດຢາ);
• ອີງຕາມ 3 ສົນທິສັນຍາ ຂອງອົງການສະຫະປະຊາຊາດ.

• ປີ 1961 ວ່າດ້ວຍ ຢາເສບຕິດ
• ປີ 1971 ວ່າດ້ວຍ ວັດຖຸອອກລິດ ຕໍ່ຈິດ-ປະສາດ
• ປີ 1988 ວ່າດ້ວຍການຕ້ານການລັກລອບຄ້າຂາຍ ຢາເສບຕິດ ແລະ ວັດຖຸອອກລິດຕໍ່ຈິດ-ປະສາດ, ມາດຕາ 12 ວ່າດ້ວຍ ສານເຄມີທີ່ມັກຖືກລັກລອບນຳໃຊ້ເລື້ອຍເຂົ້າໃນການຜະລິດຢາເສບຕິດ ແລະ ວັດຖຸອອກລິດຕໍ່ຈິດ-ປະສາດ ໂດຍເອີ້ນຫຍໍ້ວ່າ ‘’ ສານເຄມີຕົ້ນ’’

- ອີງຕາມ ດໍາລັດຂອງນາຍົກລັດຖະມົນຕີ ວ່າດ້ວຍການຈັດຕັ້ງ ເເລະ ການເຄື່ອນໄຫວຂອງ ກະຊວງສາທາລະນະສຸກ ສະບັບເລກທີ 020 /ນຍ, ລົງວັນທີ 9 ມີນາ 1999.
- ອີງຕາມ ການສະເໜີຂອງກົມອາຫານ ແລະ ຢາ ສະບັບ ເລກທີ 2683/04.ກອຢ, ລົງວັນທີ 31/8/04.

ລັດຖະມົນຕີວ່າການກະຊວງສາທາລະນະສຸກຕົກລົງ :

ມາດຕາ 1. ກຳນົດບັນຊີປະເພດຢາເສບຕິດ, ວັດຖຸອອກລິດຕໍ່ຈິດ-ປະສາດ ແລະ ສານເຄມີຕົ້ນ ທີ່ອະນຸ
ຍາດໃຫ້ນຳເຂົ້າເພື່ອຈຳໜ່າຍ ຫຼື ຜະລິດ ແລະ ນຳໃຊ້ໄດ້ ຢູ່ ສປປລາວ ຊຶ່ງແບ່ງອອກເປັນ 3 ປະເພດບັນຊີ ດັ່ງນີ້:

1. ບັນຊີປະເພດຢາເສບຕິດ ທີ່ເປັນຢາປົວພະຍາດ ຫຼື ວັດຖຸດິບຜະລິດຢາ ມີ 5 ລາຍການ ຄື: 

• Codeine phosphate / phosphate de codelne.
  ( Codein, Kodein, Methylmorphin, Methylmorfin …. )
• Fentanyl citrate / Citrate de Fentanyl.
  ( Fentaz, Haldid, Hypnorm, Leptanal, pentanyl, Phentanyl …. )
• Morphine hydrochloride / Chlorhydrate de Morphine.
  ( Hipsedan, Mortha, Sedol, Spasma …. )
• Opium, Raw or Powder or Tincture.
• Pethidine hydrochloride / Chlorhydrate de Pethidine.
  ( Dolosal, Alodan, Demerol, Dispadal(ol), Dolantal(in,ol), Dolental ) ຂ້າງເທິງ

2. ບັນຊີປະເພດວັດຖຸອອກລິດຕໍ່ຈິດ-ປະສາດທີ່ເປັນຢາປົວພະຍາດ ຫຼື ວັດຖຸດິບຜະລິດຢາ:
   ມີ 12 ລາຍການ ຄື:

• Barbital Sodlum / Barbital Sodique.
  (Barbitone Sodlum, Noctal, Veronal )
• Bromazepam / Bromazepam.
  ( Lectopam, Lesotan, Lexatin, Lexomil …. )
• Chlordiazepoxide hydrochloride/hydrochlorate de Chlordiazepoxide.
  ( Diazepebrum, Elenium, Librium, Napoton …. )
• Clonazepam / Clonazepam.
  ( Aklonil, Clonotril, Clozepan, Ravotril, Rivotril )
• Clorazepate mono(di) potassium / Clorazepate mono(di) Potassique
  ( Trans(x) ene, Tranxilium …. )
• Diazepam / Diazepam ( Diapam, Faustan, Seduxen, Valium …. )
• Flunitrazepam/Flunitrazepam( Darkene, Fluni(mi)pam, Hypnodrom,….)
• Midazolam / Midazolam
  ( Doricum, Dormicum, Hypnovel, Sorenor, …. )
• Meprobamate/Meprobamate ( Equanil, Diazemat, Civamate, Metaba
  Mate, Neutramate, Tranquanil …. )
• Nitrazepam / Nitrazepam.
  ( Alodorm, Apooxazepam, Chlorazepam, Lagazepam, Eunoctin, Hypn
  Otin, Insomin, Mogadon, itrodiazepam, Ormodon, ….. )
• Pentazocine hydrochloride / Chlorhydrate de Pentazocine.
  ( Algopent, Dolofortin, Fortal, Fortwin, pentacina, pentafort, Talwin….)
• Phenobarbital sodium / Phenobarbital sodique.
  ( Gardenal sodium, Lepinal-natrium, Luminal sodium …. )

3. ບັນຊີປະເພດສານເຄມີຕົ້ນ ແລະ ສານເຄມີສຳຮອງ ທີ່ມັກລັກລອບນຳໃຊ້ເລື້ອຍ ເຂົ້າໃນການ
   ຜະລິດຢາເສບຕິດ ແລະ ວັດຖຸອອກລິດຕໍ່ຈິດ-ປະສາດ.

+ ອີງຕາມລໍາດັບຄວາມສໍາຄັນ ແລະ ຄວາມສ່ຽງສູງຕໍ່ການລັກລອບນໍາໃຊ້ເຂົ້າໃນການຜະລິດຢາ
ເສບຕິດ, ສານເຄມີຕົ້ນ ແລະ ສານເຄມີສຳຮອງ ຈຶ່ງໄດ້ຈັດແບ່ງອອກເປັນ 3 ໝວດຄື:

   ກ. ຕາຕະລາງບັນຊີ I: ແມ່ນບັນຊີສານເຄມີຕົ້ນທີ່ຄວບຄຸມພີເສດ ແລະ ມີການຄວບຄຸມໃນທຸກ
ຂັ້ນຕອນເຊັ່ນ: ການຂໍອະນຸຍາດນໍາເຂົ້າ ການນຳເຂົ້າ-ສົ່ງອອກ, ການຜະລິດ, ການຈຳຫນ່າຍ,
ການຂົນສົ່ງ ແລະ ການນໍາໃຊ້.

   ຂ. ຕາຕະລາງບັນຊີ II: ແມ່ນບັນຊີສານເຄມີສໍາຮອງ ທີ່ສາມາດປ່ຽນແທນ ສານເຄມີຕົ້ນຄວບຄຸມ
ພິເສດໄດ້ດ້ວຍການສັງເຄາະ (ຕາມຕາຕະລາງບັນຊີ) ແລະ ມັກຖືກລັກລອບນຳໄປໃຊ້ເຂົ້າ
ໃນການຜະລິດຢາເສບຕິດ ແລະ ວັດຖຸອອກລິດຕໍ່ຈິດ-ປະສາດ.

   ຄ. ຕາຕະລາງບັນຊີ III: ແມ່ນບັນຊີສານເຄມີ ທີ່ຕ້ອງໄດ້ເອົາໃຈໃສ່ຕິດຕາມກວດກາການນໍາເຂົ້າ 
ຈໍາຫນ່າຍ, ຂົນສົ່ງ ແລະ ການນຳໃຊ້. ຂ້າງເທິງ

ມາດຕາ 2. ຜູ້ທີ່ມີຈຸດປະສົງຢາກ ສັ່ງຊື້ນຳເຂົ້າ-ສົ່ງອອກ, ຜະລິດຕ້ອງມີແຜນການປະຈຳປີ ແລະ ໄດ້ຮັບໃບອະນຸຍາດທາງການ ຈາກກະຊວງສາທາລະນະສຸກເທົ່ານັ້ນ.

ມາດຕາ 3. ລາຍການຢາເສບຕິດ, ວັດຖຸອອກລິດຕໍ່ຈິດ-ປະສາດ ແລະ ເຄມີຕົ້ນ ຕາມ 3 ບັນຊີຂ້າງເທິງ ສາມາດຍົກຍ້າຍຈາກຕາຕະລາງບັນຊີໜຶ່ງໄປຫາອີກບັນຊີອື່ນ ຫຼື ຍົກເລີກ ຫຼື ເພີ່ມເຕີມ ໄດ້ຕາມການຕົກລົງຂອງ ກະຊວງສາທາລະນະສຸກໃນແຕ່ລະໄລຍະ.

ມາດຕາ 4. ມອບໃຫ້ກົມອາຫານ ແລະ ຢາ ເປັນຈຸດໃຈກາງປະສານງານ ກັບພາກສ່ວນທີ່ກ່ຽວຂ້ອງ ໃນການຈັດຕັ້ງປະຕິບັດຂໍ້ຕົກລົງສະບັບນີ້ຢ່າງເຂັ້ມງວດ.

ມາດຕາ 5. ຂໍ້ຕົກລົງສະບັບນີ້ມີຜົນສັກສິດນັບແຕ່ມື້ລົງລາຍເຊັນເປັນຕົ້ນໄປ ຂໍ້ກໍານົດກົດລະບຽບທີ່ໄດ້ປະກາດໃຊ້ ໃນເມື່ອກ່ອນ ຫາກຂັດກັບຂໍ້ຕົກລົງສະບັບນີ້ລ້ວນແຕ່ຖືກລົບລ້າງ.

ລັດຖະມົນຕີວ່າການກະຊວງສາທາລະນະສຸກ
ດຣ. ປອນເມກ ດາລາລອຍ

ຂ້າງເທິງ

#	ຫົວຂໍ້	ດາວໂຫຼດ
1	Decision of the Ministry of Public Health on the List of Narcotic Drugs, Nerve Affecting Substances and Basic Chemical Substances No. 08/MoH	PDF
2	ຂໍ້ຕົກລົງ ຂອງ ກະຊວງສາທາລະນະສຸກ ວ່າດ້ວຍ ບັນຊີປະເພດ ຢາເສບຕິດ, ວັດຖຸອອກລິດຕໍ່ຈິດ-ປະສາດ ແລະ ສານເຄມີຕົ້ນ ເລກທີ 08/ກຊສ	PDF

ທ່ານຄິດວ່າຂໍ້ມູນນີ້ມີປະໂຫຍດບໍ່?
ກະລຸນາປະກອບຄວາມຄິດເຫັນຂອງທ່ານຂ້າງລຸ່ມນີ້ ແລະຊ່ວຍພວກເຮົາປັບປຸງເນື້ອຫາຂອງພວກເຮົາ.

Your opinion matters!

ຂອບໃຈ ສຳລັບຄຳຄິດເຫັນຂອງທ່ານ.

Close