ເພື່ອຄຸ້ມຄອງການເກັບລາຍຮັບຈາກຜູ້ດຳເນີນທຸລະກິດກ່ຽວກັບຍານພາຫະນະໃຫ້ຖືກຕ້ອງ ແລະ ຄົບຖ້ວນຕາມລະບຽບກົດໝາຍ, ກະຊວງການເງິນ ໄດ້ອອກຄຳສັ່ງແນະນຳ ສະບັບເລກທີ່ 1766/ກງ, ລົງວັນທີ 5 ກໍລະກົດ 2013, ແລະ ແຈ້ງການເພີ່ມເຕີມຂອງກະຊວງການເງິນ ສະບັບເລກທີ 1939/ກງ, ລົງວັນທີ 16 ກໍລະກົດ 2013, ກ່ຽວກັບວິທີຈັດເກັບພາສີ - ອາກອນ ຈາກຍານພາຫະນະໃນຂອບເຂດທົ່ວປະເທດ ດັ່ງມີລາຍລະອຽດລຸ່ມນີ້ :
ສຳລັບຂອດນຳເຂົ້າ : ການນຳເຂົ້າຍານພາຫະນະທຸກປະເພດ, ແມ່ນເກັບຕາມລາຄາກາງທີ່ກະຊວງການເງິນກຳນົດໄວ້, ໂດຍມີ ທີຄິດໄລ ດັ່ງນີ້ :
- ການຄິດໄລ່ພາສີຂາເຂົ້າແມ່ນເອົາມູນຄ່າແຈ້ງເສຍພາສີຕາມລາຄາກາງ x ກັບອັດຕາພາສີຂາເຂົ້າ.
- ການຄິດໄລ່ອາກອນຊົມໃຊ້ແມ່ນໃຫ້ເອົາມູນຄ່າແຈ້ງເສຍພາສີ + ຄ່າພາສີ x ກັບອັດຕາອາກອນຊົມໃຊ້.
- ການຄິດໄລ່ອາກອນມູນຄ່າເພີ່ມແມ່ນໃຫ້ເອົາມູນຄ່າແຈ້ງເສຍພາສີຂາເຂົ້າ + ຄ່າພາສີຂາເຂົ້າ + ອາກອນຊົມໃຊ້, ຄ່າທຳນຽມອື່ນໆ (ຖ້າມີ) x ອັດຕາອາກອນມູນຄ່າເພີ່ມ.
ສຳລັບການຂາຍພາຫະນະຢູ່ພາຍໃນປະເທດ : ການຄິດໄລ່ອາກອນຊົມໃຊ້ ແລະ ອາກອນມູນຄ່າເພີ່ມມີດັ່ງນີ້ :
- ວິທີການຄິດໄລ່ເກັບອາກອນຊົມໃຊ້ : ແມ່ນ ໃຫ້ເອົາລາຄາຂາຍພາຫະນະຕົວຈິງ x ກັບອັດຕາອາກອນຊົມໃຊ້.
- ວິທີການຄິດໄລ່ເກັບອາກອນມູນຄ່າເພີ່ມ : ແມ່ນ ໃຫ້ເອົາລາຄາຂາຍພາຫະນະຕົວຈິງ x ກັບອັດຕາອາກອນມູນຄ່າ ເພີ່ມ.
ລາຍລະອຽດທ່ານສາມາດເຂົ້າເບິ່ງໄດ້ຂ້າງລຸ່ມນີ້
| # | ຫົວຂໍ້ | ດາວໂຫຼດ |
|---|---|---|
| 1 | Ministry of Finance issued an instruction on tax collection of vehicle within the country |  PDF |
ທ່ານຄິດວ່າຂໍ້ມູນນີ້ມີປະໂຫຍດບໍ່?
ກະລຸນາປະກອບຄວາມຄິດເຫັນຂອງທ່ານຂ້າງລຸ່ມນີ້ ແລະຊ່ວຍພວກເຮົາປັບປຸງເນື້ອຫາຂອງພວກເຮົາ.
ກະລຸນາປະກອບຄວາມຄິດເຫັນຂອງທ່ານຂ້າງລຸ່ມນີ້ ແລະຊ່ວຍພວກເຮົາປັບປຸງເນື້ອຫາຂອງພວກເຮົາ.