ເພື່ອເພີ່ມທະວີການຄຸ້ມຄອງຊັບພະຍາກອນປ່າໄມ້ ແລະ ຈັດເກັບລາຍຮັບເຂົ້າງົບປະມານ ໃຫ້ໄດ້ຢ່າງຄົບຖ້ວນ ແລະ ຖືກຕ້ອງຕາມລະບຽບກົດໝາຍ. ກົມຄຸ້ມຄອງຊັບສິນຂອງລັດ ອອກແຈ້ງການແນະນຳສະບັບເລກທີ 0094/ກງ.ຊລ, ລົງວັນທີ 22 ຕຸລາ 2013 ເພື່ອຈັດຕັ້ງປະຕິບັດ ຄໍາສັ່ງແນະນໍາຂອງທ່ານ ລັດຖະມົນຕີວ່າການກະຊວງການເງິນ ສະບັບເລກທີ 1765/ກງ, ລົງວັນທີ 04 ກໍລະກົດ 2013 ວ່າດ້ວຍເອົາໃຈໃສ່ຄຸ້ມຄອງການສົ່ງອອກໄມ້ເພື່ອເກັບລາຍຮັບເຂົ້າງົບປະມານ ຢ່າງຖືກຕ້ອງ, ຄົບຖ້ວນ, ທັນເວລາ. ແຈ້ງການແນະນຳສະບັບດັ່ງກ່າວ ໄດ້ກຳນົດໃຫ້ ຫ້ອງການຄຸ້ມຄອງຊັບສິນຂອງລັດ ເປັນເຈົ້າການສົມທົບກັບຂະແໜງການຂອງລັດທີ່ກ່ຽວຂ້ອງ ກວດກາໄມ້ທີ່ໄດ້ຮັບອະນຸຍາດສົ່ງອອກທຸກປະເພດ ໂດຍໃຫ້ປະຕິບັດຕາມຂັ້ນຕອນຄືດັ່ງນີ້: ກ່ອນທີ່ຈະສົ່ງໄມ້ອອກໄປຕ່າງປະເທດ ພາຍຫລັງໄດ້ຮັບອະນຸຍາດຈາກຂະແໜງການທີ່ກ່ຽວຂ້ອງແລ້ວ ຜູ້ປະກອບການ ຕ້ອງແຈ້ງໃຫ້ພະນັກງານຄຸ້ມຄອງຊັບສິນ ສົມທົບກັບຂະແໜງອຸດສາຫະກຳ-ການຄ້າ, ແລະ ຂະແໜງກະສິກຳ ແລະ ປ່າໄມ້ ລົງກວດກາໄມ້ຕົວຈິງ, ກວດກາຄືນການມອບພັນທະໄມ້ ແລະ ການມອບອາກອນ, ກວດກາສັນຍາຊື້-ຂາຍໄມ້ລະຫວ່າງຜູ້ຂາຍ ແລະ ຜູ້ຊື້ຢູ່ຕ່າງປະເທດ, ສ້າງບົດບັນທຶກກ່ຽວກັບການເອົາໄມ້ຂຶ້ນລົດກ່ອນການເຄື່ອນຍ້າຍໄປຕ່າງປະເທດ ໂດຍກວດກາລະອຽດໃຫ້ຖືກຕ້ອງຕາມຈຳນວນ, ບໍລິມາດ ແລະ ຊະນິດໄມ້ທີ່ລະບຸໄວ້ໃນເອກະສານ. ພ້ອມດຽວກັນນັ້ນ, ນອກຈາກເອກະສານທີ່ຂະແໜງກ່ຽວຂ້ອງ ໄດ້​ອອກ​ອະ​ນຸ​ຍາດ​ໃຫ້ມີການເຄື່ອນໄມ້ອອກໄປຕ່າງປະເທດແລ້ວ ຕ້ອງມີເອກະສານຂອງຂະແໜງການຄຸ້ມຄອງຊັບສິນຂອງລັດເພີ່ມອີກ, ຖ້າບໍ່ມີເອກະສານນີ້ບໍ່ອະນຸຍາດໃຫ້ສົ່ງອອກ.  

ທ່ານສາມາດດາວໂຫລດເອກະສານລາຍລະອຽດຂ້າງລຸ່ມນີ້

 

 

ທ່ານຄິດວ່າຂໍ້ມູນນີ້ມີປະໂຫຍດບໍ່?
ກະລຸນາປະກອບຄວາມຄິດເຫັນຂອງທ່ານຂ້າງລຸ່ມນີ້ ແລະຊ່ວຍພວກເຮົາປັບປຸງເນື້ອຫາຂອງພວກເຮົາ.