ຈຸດປະສົງຕົ້ນຕໍຂອງກອງປະຊຸມ ແມ່ນເພື່ອເປັນການເຜີຍແຜ່ລະບຽບການ, ຂັ້ນຕອນການຢັ້ງຢືນ ແຫຼ່ງກຳເນີດສິນຄ້າດ້ວຍຕົນເອງ ພາຍໃຕ້ໂຄງການທົດລອງທີ II, ພ້ອມກັນນັ້ນກໍ່ເພື່ອເປັນການ ທາບທາມບັນດາບໍລິສັດທີ່ສົນໃຈ ເຂົ້າຮ່ວມໂຄງການທົດລອງ ການຢັ້ງຢືນ ແຫຼ່ງກຳເນີດສິນຄ້າດ້ວຍຕົນເອງ ທີ II ເຊິ່ງຈະເລີ່ມຈັດຕັ້ງປະຕິບັດ ໃນວັນທີ 1 ມັງກອນ 2014, ເຊິ່ງມີ 3 ປະເທດສະມາຊິກ ອາຊຽນເຂົ້າຮ່ວມ ໄດ້ແກ່: ສປປ ລາວ, ຟີລິບປີນ ແລະ ອິນໂດເນເຊຍ.
ໂຄງການຢັ້ງຢືນແຫຼ່ງກຳເນີດສິນຄ້າສິນຄ້າດ້ວຍຕົນເອງແມ່ນ ການມອບໃຫ້ພາກທຸລະກິດອອກ ໃບຢັ້ງຢືນແຫຼ່ງກຳເນີດສິນຄ້າ ດ້ວຍຕົນ ເອງ ແທນການມາຂໍການຢັ້ງຢືນ (Form D) ຈາກເຈົ້າໜ້າທີ່ພາກລັດ ຫຼື ໜ່ວຍງານທີ່ໄດ້ຮັບມອບສິດໃນເມື່ອກ່ອນ, ເພື່ອເປັນການ ອຳ ນວຍຄວາມສະດວກໃຫ້ພາກທຸລະກິດ ແລະ ສົ່ງເສີມການສົ່ງອອກ ທັງນີ້ກໍ່ເພື່ອຊ່ວຍຫລຸດຜ່ອນຕົ້ນທຶນ ແລະ ເວລາໃນການ ດຳເນີນເອກະ ສານຂອງນັກທຸລະກິດ ກໍ່ຄືຜູ້ປະກອບການ.
ຜູ້ທີ່ສົນໃຈເຂົ້າຮ່ວມໂຄງການສາມາດຕິດຕໍ່ພົວພັນກັບ ກົມການນຳເຂົ້າ ແລະ ສົ່ງອອກ ເພື່ອສອບຖາມຂໍ້ມູນເພີ່ມເຕີມ ແລະ ສະເໜີຂໍສິດ ໃນການເປັນຜູ້ທີ່ສາມາດຢັ້ງຢືນແຫຼ່ງກຳເນີດສິນຄ້າດ້ວຍຕົນເອງ.
ກອງປະຊຸມໄດ້ນຳສະເໜີກ່ຽວກັບປະຫວັດຄວາມເປັນມາຂອງໂຄງການດັ່ງກ່າວ, ພ້ອມທັງສະເໜີບັນດາເອກກະສານ, ລະບຽບການ ພາຍໃຕ້ ໂຄງການທົດລອງທີ II, ກອງປະຊຸມໄດ້ກຳເນີນໄປດ້ວຍບັນຍາກາດອັນຟົດເຟື້ອ ໂດຍໄດ້ຮັບການຕອບຮັບເປັນຢ່າງດີຈາກພາກທຸລະກິດ ແລະ ມີບໍລິສັດຈຳນວນໜຶ່ງທີ່ໄດ້ສະແດງເຈດຈຳນົງຈະເຂົ້າຮ່ວມຈັດຕັ້ງປະຕິບັດໂຄງການດັ່ງກ່າວຢ່າງຕັ້ງໜ້າ.
ກະລຸນາປະກອບຄວາມຄິດເຫັນຂອງທ່ານຂ້າງລຸ່ມນີ້ ແລະຊ່ວຍພວກເຮົາປັບປຸງເນື້ອຫາຂອງພວກເຮົາ.