ກອງປະຊຸມດັ່ງກ່າວນີ້ມີຜູ້ແທນເຂົ້າຮ່ວມຫລາຍກວ່າ 100 ທ່ານ ຈາກກະຊວງອຸດສາຫະກຳ ແລະ ການຄ້າ, ຖັນແຖວກະຊວງ, ຜູ້ຈັດຕັ້ງປະຕິບັດ, ຄູ່ຮ່ວມພັດທະນາ ແລະ ຜູ້ໃຫ້ທຶນສະໜັບສະໜູນອື່ນໆ ກອງປະຊຸມດັ່ງກ່າວນີ້ ພາຍໃຕ້ການເປັນປະທານຂອງ ທ່ານ ນາງ ເຂັມມະນີ ພົນເສນາ, ລັດຖະມົນຕີວ່າການ ກະຊວງອຸດສາຫະກຳ ແລະ ການຄ້າ ແລະ ເປັນປະທານຮ່ວມໂດຍທ່ານ Michel Goffin ອຸປະທູດ ອີຢູ ປະຈຳ ສ ປປລາວ ແລະ ທ່ານ Robert Von Rimscha ເອກອັກຄະລັດຖະທູດ ເຢຍລະມັນປະຈໍາ ສປລາວ.
ທ່ານ ນາງ ເຂັມມະນີ ພົນເສນາ ໄດ້ກ່່ວຕໍ່ທີ່ປະຊຸມວ່າ ກອງປະຊຸມໄດ້ຈັດຂຶ້ນໃນເວລາອັນສຳຄັນຂອງການພັດທະນາເສດຖະກິດສັງຄົມໃນ ສປປ ລາວ, ໃນຂະນະທີ່ ປະເທດຊາດຫາກໍ່ສຳເລັດການທົບທວນຄືນກາງປີ ຂອງການຈັດຕັ້ງປະຕິບັດແຜນພັດທະນາເສດຖະກິດສັງຄົມ ຄັ້ງທີ 7 ແລະ ຫາກໍ່ປະກອບຄຳເຫັນໃຫ້ກັບຂະບວນການແຜນພັດທະນາໄລຍະຍາວ ລວມມີວິໄສທັດ ສຳລັບປີ 2030, ຍຸດທະສາດພັດ ທະນາສຳລັບປີ 2016-2020.ແຜນພັດທະນາໄລຍະກາງ ແລະ ຍາວຈະເປັນການສ້າງໂອກາດອັນດີ ເພື່ອຊື້ໃຫ້ເຫັນສິ່ງທີ່ສາມາດບັນລຸໃນໄລຍະ 2-3 ປີຜ່ານມາ ແລະ ເພື່ອສາມາດບັນລຸບັນດາມາດຕະການທີ່ຈຳເປັນ ເພື່ອບັນລຸໝາກຜົນໃຫ້ໄດ້ຫລາຍກວ່າເກົ່າ.
ທ່ານ ຍັງໄດ້ຮຽກຮ້ອງບັນດາຕົວແທນຂອງພາກລັດ, ຄູ່ຮ່ວມພັດທະນາ, ບັນດາສະມາຄົມນັກທຸລະກິດ ຮ່ວມປຶກສາຫາລື ດ້ານນະໂຍບາຍຢ່າງຕັ້ງໜ້າ ແລະ ນຳໃຊ້ເປັນເຄື່ອງມື ໃນການກຳນົດບັນດາອຸປະສັກທີ່ກີດຂວາງທາງດ້ານການຄ້າ, ການພັດທະນາທຸລະກິດ ແລະ ແກ້ໄຂບັນດາສິ່ງກີດຂວາງນັ້ນ ໂດຍຜ່ານຂະບວນການປຶກສາຫາລື ແລກປ່ຽນຄຳຄິດ ຄຳເຫັນຢ່າງກົງໄປກົງມາ.
ທ່ານ Robert Von Rimscha ເອກອັກຄະລັດຖະທູດ ເຢຍລະມັນປະຈໍາ ສປລາວ ໄດ້ຮຽກຮ້ອງໃຫ້ມີການປະສານງານທີ່ດີກວ່າເກົ່າ ລະຫວ່າງ ພາກລັດ ແລະ ພາກທຸລະກິດ ຊຶ່ມີຄວາມຈຳເປັນຫລາຍ ທີ່ຈະຕ້ອງມີການຈັດກອງປະຊຸມພົບ ປະນັກທຸລະກິດ ລາວໃຫ້ເປັນ ປົກກະ ຕິກວ່າ ເກົ່າ ແລະ ຕິດຕາມແກ້ໄຂບັນດາບັນຫາ ທີ່ນຳສະເໜີ ໂດຍຜູ້ທີ່ເຂົ້າຮ່ວມປະຊຸມດັ່ງກ່າວ. ທ່ານ ຍັງໄດ້ກ່າວອີກວ່າ ສະຖານະການ ດ້ານການງົບປະມານຊີ້ໃຫ້ເຫັນວ່າ ບັນດານັກລົງທຶນທີ່ລົງທຶນໃນລະແໜງການທີ່ນຳໃຊ້ຊັບພະຍາກອນ ຄວນຮັບຜິດຊອບ ຕໍ່ພາວະ ດ້ານອາກອນໃນສັດສ່ວນທີ່ຍຸຕິທຳ, ຜູ້ປະກອບການຕ້ອງປະກອບສ່ວນ ເຂົ້າໃນການສ້າງຄວາມ ຫລາກຫລາຍດ້ານເສດ ຖະກິດຂອງລາວ ທີ່ໄດ້ລົງທຶນໃນໂຮງຈັກ ໂຮງງານ ແລະ ການບໍລິການ ບໍ່ຄວນໄດ້ຮັບພາລະດ້ານອາກອນ, ຄ່າທຳນຽມ ຫລື ກົດລະບຽບທີ່ເພີ່ມຕື່ມໃດໆ.
ທ່ານ Michel Goffin ອຸປະທູດ ອີຢູ ປະຈຳ ສ ປປລາວ ທ່ານໄດ້ກ່າວເຖິງຄວາມສຳຄັນຂອງ ມາດຕະການສ້າງຄວາມ ເຂັ້ມແຂງຂອງ ຄວາມໂປ່ງໃສສໍາລັບການສົ່ງເສີມການແຂ່ງຂັນຂອງສປປລາວ, ສະຖຽນລະພາບທາງສັງຄົມແລະທາງດ້ານການເມືອງໃນອະນາຄົດ. ທ່ານຍັງໄດ້ກ່າວເໜັ້ນ ໃນເວລາທີ່ມີຄວາມຫຍຸ້ງຍາກທາງເສດຖະກິດນີ້, ລະບຽບການໃຫມ່ແລະມາດຕະການ ເພື່ອແນ່ໃສ່ການ ເກັບລາຍ ຮັບງົບປະມານເພີ່ມຂຶ້ນ ຄວນຈະປະຕິບັດຕາມຫຼັກການພື້ນຖານຂອງຄວາມໂປ່ງໃສ, ການຄາດຄະ ເນແລະບໍ່ມີການ ຈໍາແນກແລະການ ຫຼີກລ້ຽງການເພີ່ມພາລະໃຫ້ຂະແໜງການທຸລະກິດ.
ໜ່ວຍງານ TPSWG ແມ່ນໜຶ່ງໃນ 10 ໜ່ວຍງານ ພາຍໃຕ້ ຂະບວນການໂຕະມົນ ແລະ ເປັນເວທີຫລັກສຳລັບການປຶກສາຫາລືດ້ານນະໂຍບາຍລະຫວ່າງພາກລັດ ແລະ ບັນດາຄູ່ຮ່ວມທຸລະກິດ. ຜູ້ເຂົ້າຮ່ວມໃນກອງປະຊຸມສ່ວນຫລາຍແມ່ນມາຈາກພາກລັດ, ຄູ່ຮ່ວມພັດທະນາ, ພາກທຸລະກິດ ແລະ ອົງການຈັດຕັ້ງອຶ່ນ ໃນ 10 ໜ່ວຍງານລວມມີ: ສາທາລະນະສຸກ, ການສຶກສາ, ການປົກຄອງ, ເສດຖະກິດມະຫາພາກ, ໂຄງລ່າງພຶ້ນຖານ, ການຄວບຄຸມບັນຫາຢາເສບຕິດ, ລະເບີດຍັງບໍ່ທັນແຕກ, ກະສິກຳ ແລະ ການພັດທະນາຊົນລະບົດ, ການຄຸ້ມຄອງຊັບພະຍາກອນທຳມະຊາດ ແລະ ສິ່ງແວດລ້ອມ.
ແຫລ່ງຂໍ້ມູນ: http://www.laosaft.org/index.php/en/all-articles/221-the-5th-trade-and-private-sector-working-group-meeting
ກະລຸນາປະກອບຄວາມຄິດເຫັນຂອງທ່ານຂ້າງລຸ່ມນີ້ ແລະຊ່ວຍພວກເຮົາປັບປຸງເນື້ອຫາຂອງພວກເຮົາ.