ທ່ານ ລັດຖະມົນຕີຊ່ວຍວ່າການກະຊວງ ອຄ ສສ ຫວຽດນາມ ອະທິບາຍສັນຍາດັ່ງກ່າວວ່າ: ຮ່າງສັນຍາການຄ້າຊາຍແດນ ສະບັບນີ້ ຈະສ້າງເງື່ອນໄຂພິເສດເປັນອັນສະເພາະໃຫ້ແກ່ການພົວພັນການຄ້າລະຫວ່າງລາວ-ຫວຽດນາມ, ປະກອບສ່ວນເຂົ້າໃນການເພິ່ມທະວີການຮ່ວມມືທາງດ້ານເສດຖະກິດ-ການຄ້າ ແລະ ການເຊື່ອມໂຍງໃນຂອບອາຊຽນ ແລະ ຂອບປະເທດລຸ່ມແມ່ນ້ຳຂອງອັນຈະກາຍເປັນການຊຸກຍູ້ສາຍພົວພັນລະຫວ່າງບັນດາແຂວງຊາຍແດນຂອງສອງປະເທດ ໃນທຸກຂົງເຂດເສດຖະກິດ, ການຄ້າ, ສັງຄົມ ແລະ ວັດທະນະທຳ. ພ້ອມທັງເປັນການປະກອບສ່ວນໃນການກໍ່ສ້າງເສັ້ນທາງຊາຍແດນລາວ-ຫວຽດນາມ ໃຫ້ກາຍເປັນເສັ້ນທາງການແລກປ່ຽນ, ສະຫງົບ, ມິດຕະພາບ ການຮ່ວມມື ແລະ ພ້ອມກັນພັດທະນາໃຫ້ຍາວນານ.
ທ່ານ ລັດຖະມົນຕີວ່າການກະຊວງ ອຄ ລາວ ກ່າວວ່າ: ສຳລັບຮ່າງສັນຍາການຄ້າຊາຍແດນທີ່ ທາງ ກະຊວງ ອຄ ຫວຽດນາມ ໄດ້ມາອະທິບາຍເນື້ອໃນຮ່າງສັນຍານີ້, ເຮັດແນວໃດພວກເຮົາໄດ້ມີການເຊັນສັນຍາການຄ້າຊາຍແດນຮ່ວມກັນ ທີ່ຈະເປັນການສົ່ງເສີມການຄ້າໃຫ້ສຳເລັດ. ໃນທ້າຍເດືອນ 6 ທີ່ຈະມາເຖິງນີ້ ທາງກະຊວງ ອຄ ພວກເຮົາ ຈະສືບຕໍ່ຄົ້ນຄວ້າຕໍ່ກັບຮ່າງສັນຍາດັ່ງກ່າວ ແລະ ມອບໃຫ້ ຕາງໜ້າຂະແໜງການກ່ຽວຂ້ອງຂອງຝ່າຍລາວນຳໄປຄົ້ນຄວ້າ ເພື່ອເຮັດໃຫ້ເກີດຜົນປະໂຫຍດທັງສອງຝ່າຍ.
ແຫຼ່ງທີ່ມາ: ໜັງສືພິມ ເສດຖະກິດ-ການຄ້າ
ກະລຸນາປະກອບຄວາມຄິດເຫັນຂອງທ່ານຂ້າງລຸ່ມນີ້ ແລະຊ່ວຍພວກເຮົາປັບປຸງເນື້ອຫາຂອງພວກເຮົາ.