ຂໍ້ຕົກລົງ ວ່າດ້ວຍ ການເຄື່ອນຍ້າຍສິນຄ້າຄຸ້ມຄອງຜ່ານແດນ ສປປ ລາວ, ເລກທີ 1238/ອຄ.ກຂອ ໄດ້ກຳນົດລາຍລະອຽດກ່ຽວກັບເງື່ອນໄຂຂອງການເຄື່ອນຍ້າຍສິນຄ້າຜ່ານແດນ, ຜູ້ດໍາເນີນການເຄື່ອນຍ້າຍສິນຄ້າ, ການປະກອບເອກະສານ ແລະ ຂັ້ນຕອນຂອງການຍື່ນຄຳຮ້ອງ ແລະ ພິຈາລະນາເອກະສານຂອງເຈົ້າໜ້າທີ່ອອກອະນຸຍາດ. ໂດຍໄດ້ກຳນົດໃຫ້ມີເອກະສານເພື່ອຂໍອະນຸຍາດປະກອບຄື:
1. ໃບຄຳຮ້ອງຂໍອະນຸຍາດເຄື່ອນຍ້າຍສິນຄ້າຄຸ້ມຄອງຜ່ານແດນ;
2. ສັນຍາຊື້-ຂາຍສິນຄ້າ ລະຫວ່າງ ຜູ່ຂາຍສິນຄ້າຢູ່ປະເທດຕົ້ນທາງ ແລະ ຜູ່ຊື້ສິນຄ້າຢູ່ປະເທດປາຍທາງ;
3. ໃບທະບຽນວິສາຫະກິດ ຂອງຜູ່ດຳເນີນການເຄື່ອນຍ້າຍສິນຄ້າຄຸ້ມຄອງຜ່ານແດນ;
4. ໃບຢັ້ງຢືນການມອບພັນທະອາກອນປະຈຳປີ ຫຼື ເອກະສານອື່ນທີ່ຢັ້ງຢືນການມອບພັນທະອາກອນປະຈຳປີ;
5. ໃບແຈ້ງລາຄາ ແລະ ໃບຫຸ້ມຫໍ່ (ເຊັນໂດຍຜູ່ຂາຍ);
6. ໃບມອບສິດຈາກເຈົ້າຂອງສິນຄ້າໃຫ້ຜູ່ປະກອບການຂົນສົ່ງສິນຄ້າຄຸ້ມຄອງຜ່ານແດນ;
7. ສັນຍາ ກ່ຽວກັບການຄໍ້າປະກັນການຂົນສົ່ງສິນຄ້າຜ່ານແດນສາກົນ ກັບ ກົມພາສີ, ກະຊວງການເງິນ.
ນອກຈາກນີ້, ພາຍໃນຂໍ້ຕົກລົງກໍໄດ້ກຳນົດລະອຽດວັນເວລາໃນການພິຈາລະນາຄໍາຮ້ອງ ແລະ ອາຍຸການນໍາໃຊ້ຂອງໃບອະນຸຍາດເຄື່ອນຍ້າຍສິນຄ້າຜ່ານແດນໂດຍໄດ້ກຳນົດໃຫ້ 6 ເດືອນ ແລະ ສາມາດຕໍ່ໄດ້ອີກ 3 ເດືອນ ກ່ອນໃບອະນຸຍາດໝົດອາຍຸ, ເຊິ່ງລວມທັງໝົດບໍ່ໃຫ້ເກີນ 9 ເດືອນ.
ຂໍ້ຕົກລົງສະບັບດັ່ງກ່າວນີ້ ໄດ້ເອົາລົງໃນຈົດໝາຍເຫດທາງລັດຖະການ 15 ວັນ ແຕ່ວັນທີ 2 ກໍລະກົດ 2015, ແລະ ຈະມີຜົນບົງຄັບໃຊ້ເລີ່ມແຕ່ວັນທີ 17 ກໍລະກົດ 2015 ເປັນຕົ້ນໄປ.
| # | ຫົວຂໍ້ | ດາວໂຫຼດ |
|---|---|---|
| 1 | MoIC issued Decision on Transit of Controlled Goods through Lao PDR |  PDF |
ກະລຸນາປະກອບຄວາມຄິດເຫັນຂອງທ່ານຂ້າງລຸ່ມນີ້ ແລະຊ່ວຍພວກເຮົາປັບປຸງເນື້ອຫາຂອງພວກເຮົາ.