ເພື່ອໃຫ້ໄດ້ສິດທິພິເສດ ຫຼື ການຍົກເວັ້ນພາສີຂາອອກ ຜູ້ສົ່ງອອກ ຕ້ອງມີໜັງສືຢັ້ງຢືນແຫຼ່ງທີ່ມາ ຈາກທ້ອງຖິ່ນຂອງຂະແໜງກະສິກຳ ແລະ ປ່າໄມ້ ເຊັ່ນ: ໃບຢັ້ງຢືນການປູກ ແລະ ຟື້ນຟູປ່າ, ໃບຢັ້ງຢືນການຊຸກຍູ້ການປູກ ແລະ ຟື້ນຟູ. ການປະກອບເອກະສານດັ່ງກ່າວນັ້ນ ແມ່ນຂັ້ນຕອນ ແລະ ມາດຖານ ເພື່ອເປັນບ່ອນອີງໃນການກວດກາແຫຼ່ງທີ່ມາເຄື່ອງປ່າຂອງດົງ ວ່າມາຈາກທ້ອງຖິ່ນໃດ ອີງຕາມ ແຈ້ງການແນະນຳ ກ່ຽວກັບ ການຄຸ້ມຄອງການສົ່ງອອກເຄື່ອງປ່າຂອງດົງ ສະບັບເລກທີ 03684/ກພສ, ລົງວັນທີ 15 ພຶດສະພາ 2014. ເພື່ອຈຳກັດຊ່ອງວ່າງບໍ່ໃຫ້ມີການສວຍໂອກາດ ຂອງຜູ້ປະກອບການ ແລະ ຖ້າບໍ່ມີເອກະສານຢັ້ງຢືນຕາມທີ່ລະບຸໄວ້ຂ້າງເທິ່ງນີ້ ການສົ່ງອອກ ຕ້ອງໄດ້ເສຍພາສີຂາອອກຕາມ ລັດຖະບັນຍັດຂອງປະທານປະເທດ ວ່າດ້ວຍລາຍການສິນຄ້າ ແລະ ອັດຕາພາສີຂາອອກ ເລກທີ 002/ປປທ, ລົງວັນທີ 27 ເມສາ 2012
| # | ຫົວຂໍ້ | ດາວໂຫຼດ |
|---|---|---|
| 1 | Customs Department issued a notification on export control of non-agricultural forestry product |  PDF |
ກະລຸນາປະກອບຄວາມຄິດເຫັນຂອງທ່ານຂ້າງລຸ່ມນີ້ ແລະຊ່ວຍພວກເຮົາປັບປຸງເນື້ອຫາຂອງພວກເຮົາ.