ຂັ້ນຕອນ 1. ກະກຽມເອກະສານເພື່ອຂໍອະນຸຍາດ ການນໍາເຂົ້າ/ສົ່ງອອກ ຊົ່ວຄາວ ສິນຄ້າຄຸ້ມຄອງ ມີລາຍລະອຽດດັ່ງລຸ່ມນີ້:

1. ເອກະສານເພື່ອຂໍອະນຸຍາດ ການນໍາເຂົ້າ ຊົ່ວຄາວ ສິນຄ້າຄຸ້ມຄອງ

1. ຄໍາຮ້ອງ ຕາມແບບພິມ ທີ່ອົງການຄຸ້ມຄອງການນໍາເຂົ້າ ແລະ ສົ່ງອອກ ໄດ້ກໍານົດ  - ສະບັບຕົ້ນ 1 ຊຸດ
2. ທະບຽນວິສາຫະກິດ (ຄັ້ງທໍາອິດ) - ສໍາເນົາ 1 ຊຸດ
3. ໃບອະນຸຍາດດໍາເນີນທຸລະກິດ ຫຼື ໃບອະນຸຍາດລົງທຶນ ສໍາລັບກິດຈະການທີ່ນອນໃນບັນຊີກິດຈະການຄວບຄຸມ - ສໍາເນົາ 1 ຊຸດ
4. ໃບຢັ້ງຢືນ ການມອບພັນທະອາກອນປະຈໍາປີຜ່ານມາ ຍົກເວັ້ນ ບໍລິສັດທີ່ສ້າງຕັ້ງໃໝ່ - ສໍາເນົາ 1 ຊຸດ
5. ໃບແຈ້ງລາຄາ ແລະ ໃບຫຸ້ມຫໍ່ (Invoice and packing list) - ສໍາເນົາ 1 ຊຸດ
6. ໃບສັ່ງສ້ອມແປງ ໃນກໍລະນີນໍາເຂົ້າເພື່ອສ້ອມແປງ - ສໍາເນົາ 1 ຊຸດ
7. ເອກະສານເຊີນເຂົ້າຮ່ວມງານວາງສະແດງ ຫຼື ເອກະສານທີ່ກ່ຽວຂ້ອງ ໃນກໍລະນີເຂົ້າຮ່ວມງານວາງສະແດງສິນຄ້າ  - ສໍາເນົາ 1 ຊຸດ

2. ເອກະສານເພື່ອຂໍອະນຸຍາດ ການສົ່ງອອກ ຊົ່ວຄາວ ສິນຄ້າຄຸ້ມຄອງ

1. ຄໍາຮ້ອງ ຕາມແບບພິມ ທີ່ອົງການຄຸ້ມຄອງການນໍາເຂົ້າ ແລະ ສົ່ງອອກ ໄດ້ກໍານົດ  - ສະບັບຕົ້ນ 1 ຊຸດ
2. ທະບຽນວິສາຫະກິດ (ຄັ້ງທໍາອິດ) - ສໍາເນົາ 1 ຊຸດ
3. ໃບແຈ້ງລາຄາ ແລະ ໃບຫຸ້ມຫໍ່ (Invoice and packing list) - ສໍາເນົາ 1 ຊຸດ
4. ໃບສັ່ງສ້ອມແປງ ໃນກໍລະນີສົ່ງອອກເພື່ອສ້ອມແປງ - ສໍາເນົາ 1 ຊຸດ
5. ເອກະສານເຊີນເຂົ້າຮ່ວມງານວາງສະແດງ ຫຼື ເອກະສານທີ່ກ່ຽວຂ້ອງ ໃນກໍລະນີເຂົ້າຮ່ວມງານວາງສະແດງສິນຄ້າ  - ສໍາເນົາ 1 ຊຸດ

3. ເອກະສານເພື່ອຂໍອະນຸຍາດ ການນຳເຂົ້າເພື່ອສົ່ງອອກຕໍ່ ສິນຄ້າຄຸ້ມຄອງ

1. ຄໍາຮ້ອງ ຕາມແບບພິມ ທີ່ອົງການຄຸ້ມຄອງການນໍາເຂົ້າ ແລະ ສົ່ງອອກ ໄດ້ກໍານົດ  - ສະບັບຕົ້ນ 1 ຊຸດ
2. ທະບຽນວິສາຫະກິດ (ຄັ້ງທໍາອິດ) - ສໍາເນົາ 1 ຊຸດ
3. ໃບອະນຸຍາດດໍາເນີນທຸລະກິດ ຫຼື ໃບອະນຸຍາດລົງທຶນ ສໍາລັບກິດຈະການທີ່ນອນໃນບັນຊີກິດຈະການຄວບຄຸມ - ສໍາເນົາ 1 ຊຸດ
4. ໃບມອບພັນທະອາກອນປະຈໍາປີຜ່ານມາ ຍົກເວັ້ນບໍລິສັດທີ່ສ້າງຕັ້ງໃໝ່ - ສໍາເນົາ 1 ຊຸດ
5. ໃບແຈ້ງລາຄາ ແລະ ໃບຫຸ້ມຫໍ່ (Invoice and packing list) - ສໍາເນົາ 1 ຊຸດ

ຂັ້ນຕອນ 2. ຮັບ ແລະ ກວດກາເອກະສານ

ພາຍຫຼັງປະກອບເອກະສານຄົບຖ້ວນແລ້ວ,​ ຜູ້ປະກອບການຕ້ອງຍື່ນເອກະສານກັບ ກົມການນໍາເຂົ້າ ແລະ ສົ່ງອອກ (ພະແນກການຄ້າຊາຍແດນ), ກະຊວງອຸດສາຫະກໍາ ແລະ ການຄ້າ. ວິຊາການຜູ້ຄົ້ນຄ້ວາຈະກວດກາຄວາມຖືກຕ້ອງຂອງເອກະສານ. ຖ້າເອກະສານຄົບຖ້ວນຕາມຂັ້ນຕອນ 1 ແມ່ນຈະເອົາເຂົ້າເລກທີຂາເຂົ້າ ແລະ ຖ້າບໍ່ຄົບຖ້ວນ ຫຼື ມີບ່ອນດັດແກ້ ແມ່ນທາງວິຊາການຈະແນະນໍາລາຍລະອຽດໃຫ້ກັບຜູ້ປະກອບເພື່ອນໍາເອກະສານໄປປະກອບຄືນໃຫ້ຖືກຕ້ອງ ແລະ ຄົບຖ້ວນ ທາງ ພະແນກການຄ້າຊາຍແດນຈິ່ງຈະຮັບເອົາເອກະສານຂອງຜູ້ປະກອບການແລ້ວດໍາເນີນການໃນຂັ້ນຕອນຕໍ່ໄປ.

ຂັ້ນຕອນ 3. ຄົ້ນຄ້ວາ ແລະ ພິຈາລະນາເອກະສານ

ໂດຍ ອີງຕາມ ຂໍ້ຕົກລົງວ່າດ້ວຍ ການນໍາເຂົ້າຊົ່ວຄາວ, ສົ່ງອອກຊົ່ວຄາວ ແລະ ການນໍາເຂົ້າເພື່ອສົ່ງອອກຕໍ່ ສິນຄ້າຄຸ້ມຄອງ ສະບັບເລກທີ 0230/ອຄ.ກຂອ, ລົງວັນທີ 25 ມີນາ 2021. ພາຍຫຼັງທີ່ໄດ້ຮັບເອກະສານຖືກຕ້ອງ ແລະ ຄົບຖ້ວນຕາມລະບຽບການທີ່ໄດ້ກໍານົດ ແມ່ນຈະໃຊ້ໄລຍະເວລາ 03 ວັນລັດຖະການ ແລະ ຈ່າຍຄ່າທໍານຽມ ສິບພັນກີບຕໍ່ຊຸດ.

ຂັ້ນຕອນ 4.​ ເຊັນ ແລະ ປະທັບກາເພື່ອອອກໃບອະນຸຍາດ

        ພາຍຫຼັງການພິຈາລະນາເອກະສານວ່າຖືກຕ້ອງແລ້ວ ພະແນກການຄ້າຊາຍແດນ ຈະຮ່າງເອກະສານໃບອະນຸຍາດຕາມການສະເໜີຂອງຜູ້ປະກອບການແລ້ວດໍາເນີນການຂໍອະນຸມັດລາຍເຊັນ ຈາກຄະນະກົມຜູ້ປະຈໍາການ ແລະ ປະທັບກາໃສ່ໃບອະນຸຍາດ.

ຂັ້ນຕອນ 5. ຮັບໃບອະນຸຍາດ ການນໍາເຂົ້າ/ສົ່ງອອກ ຊົ່ວຄາວ ສິນຄ້າຄຸ້ມຄອງ

ຜູ້ປະກອບການຕ້ອງເຊັນຮັບເອົາ ໃບອະນຸຍາດຈາກ ພະແນກການຄ້າຊາຍແດນ, ກົມການນໍາເຂົ້າ ແລະ ສົ່ງອອກ.

ສອບຖາມເພີ່ມເຕີມ ກະລຸນາຕິດຕໍ່: ພະແນກການຄ້າຊາຍແດນ, ກົມການນໍາເຂົ້າ ແລະ ສົ່ງອອກ, ກະຊວງອຸດສາຫະກໍາ ແລະ ການຄ້າ. ເບີໂທລະສັບ: 021 413 901 ເບີແຟັກ: 021 454224

• ຟອມລຸ່ມນີ້ ໃຊ້ຮ່ວມກັບຂັ້ນຕອນນີ້
• ຂັ້ນຕອນນີ້ ໃຊ້ກັບມາດຕະການລຸ່ມນີ້
• The procedure applies to Step-by-Step Guide