ການຢັ້ງຢືນແຫຼ່ງກຳເນີດສິນຄ້າທີ່ໄດ້ຮັບສິດທິພິເສດ ແມ່ນການຢັ້ງຢືນວ່າສິນຄ້າໃດໜຶ່ງໄດ້ກຳເນີດເກີດຂຶ້ນ ຫຼື ຜ່ານຂະບວນການຜະລິດຢູ່ໃນ ສປປ ລາວ ສະນັ້ນ, ເພື່ອຮັບປະກັນການປະຕິບັດຕາມເງື່ອນໄຂຂອງລະບຽບແຫຼ່ງກຳເນີດສິນຄ້າຂອງປະເທດຜູ້ໃຫ້ສິດທິພິເສດ ພ້ອມທັງເປັນການສົ່ງເສີມການສົ່ງອອກສິນຄ້າຂອງລາວພາຍໃຕ້ຂອບສິດທິພິເສດໄດ້ຢ່າງມີປະສິດທິຜົນສູງ, ແລະ ເຮັດໃຫ້ວຽກງານຢັ້ງຢືນແຫຼ່ງກຳເນີດສິນຄ້າ ໄດ້ຖືກຈັດຕັ້ງປະຕິບັດຢ່າງເປັນເອກະພາບໃນຂອບເຂດທົ່ວປະເທດ ພ້ອມທັງຖືກຕ້ອງສອດຄ່ອງກັບລະບຽບກົດໝາຍ ແລະ ສົນທິສັນຍາສາກົນທີ່ ສປປ ລາວ ເປັນພາຄີ. ກະຊວງອຸດສາຫະກຳ ແລະ ການຄ້າ ຈຶ່ງອອກຄຳແນະນຳ ກ່ຽວກັບ ການຢັ້ງຢືນແຫຼ່ງກຳເນີດສິນຄ້າທີ່ໄດ້ຮັບສິດທິພິເສດ ສະບັບເລກທີ: 2386/ອຄ.ກຂອ, ລົງວັນທີ 23 ທັນວາ 2013ທີ່ລະບຸກ່ຽວກັບ:
- ການຂໍໃບຮັບຮອງສິນຄ້າໄດ້ແຫຼ່ງກຳເນີດ ເພື່ອໃຊ້ເປັນບ່ອນອີງໃນການຂໍໃບຢັ້ງຢືນແຫຼ່ງກຳເນີດສິນຄ້າ.
- ການຂໍອອກໃບຢັ້ງຢືນແຫຼ່ງກຳເນີດສິນຄ້າທີ່ໄດ້ຮັບສິດທິພິເສດ ມີ 3 ກໍລະນີຄື: ແບບປົກກະຕິ; ກໍລະນີໃບຢັ້ງຢືນແຫຼ່ງກຳເນີດ ສິນຄ້າເສຍ, ຖືກລັກ ຫຼື ຖືກທຳລາຍ; ແລະ ກໍລະນີການດັດແກ້ຂໍ້ມູນໃນໃບຢັ້ງຢືນແຫຼ່ງກຳເນີດສິນຄ້າທີ່ໄດ້ຮັບສິດທິພິເສດ.
- ຂັ້ນຕອນການສະເໜີຂໍໃບຢັ້ງຢືນແຫຼ່ງກຳເນີດສິນທີ່ໄດ້ຮັບສິດທິພິເສດ - ການແຈ້ງຂໍ້ມູນກ່ຽວກັບຜູ້ຂໍຢັ້ງຢືນແຫຼ່ງກຳເນີດສິນຄ້າ (ຜູ້ຜະລິດ, ຜູ້ສົ່ງອອກ ຫຼື ຜູ້ຕາງໜ້າທີ່ໄດ້ຮັບມອບສິດ), ການຊື້ແບບຟອມ, ການຕື່ມຂໍ້ມູນໃສ່ແບບຟອມ ແລະ ການໃສ່ເລກທີ ໃບຢັ້ງຢືນແຫຼ່ງກຳເນີດສິນທີ່ໄດ້ຮັບສິນຄ້າທີ່ໄດ້ຮັບສິດທິພິເສດ.
- ເຈົ້າໜ້າທີ່ ທີ່ມີສິດອອກໃບຢັ້ງຢືນແຫຼ່ງກຳເນີດສິນຄ້າ ປະກອບມີ: 1.)ກົມການນຳເຂົ້າ ແລະ ສົ່ງອອກ; 2.)ພະແນກອຸດສາຫະກຳ ແລະ ການຄ້າແຂວງ ແລະ ນະຄອນຫຼວງ, ເຂດເສດຖະກິດພິເສດ ແລະ ສະເພາະ, ສະພາການຄ້າ ແລະ ອຸດສາຫະກຳແຫ່ງຊາດ ແລະ ແຂວງ, ຫຼື ພາກສ່ວນອື່ນທີ່ຖືກມອບໝາຍໃຫ້ຢັ້ງຢືນແຫຼ່ງກຳເນີດສິນຄ້າໄດ້.
- ສິດ ແລະ ໜ້າທີ່ຂອງເຈົ້າໜ້າທີ່ຢັ້ງຢືນແຫຼ່ງກຳເນີດສິນຄ້າ ແລະ ຜູ້ຂໍຢັ້ງຢືນແຫຼ່ງກຳເນີດສິນຄ້າທີ່ ໄດ້ຮັບສິດທິພິເສດ.
ທ່ານຄິດວ່າຂໍ້ມູນນີ້ມີປະໂຫຍດບໍ່?
ກະລຸນາປະກອບຄວາມຄິດເຫັນຂອງທ່ານຂ້າງລຸ່ມນີ້ ແລະຊ່ວຍພວກເຮົາປັບປຸງເນື້ອຫາຂອງພວກເຮົາ.
ກະລຸນາປະກອບຄວາມຄິດເຫັນຂອງທ່ານຂ້າງລຸ່ມນີ້ ແລະຊ່ວຍພວກເຮົາປັບປຸງເນື້ອຫາຂອງພວກເຮົາ.