ເພື່ອອຳນວຍຄວາມສະດວກໃຫ້ແກ່ຜູ້ສົ່ງອອກ ແລະ ຜູ້ດຳເນີນທຸລະກິດສຸຂານາໄມພືດ ຫຼີກເວັ້ນຜົນກະທົບ ຕໍ່ຜະລິດຕະພັນກະສິກຳ ແລະ ປ່າໄມ້ ຂອງ ສປປ ລາວ ໄປຍັງ ສສ ຫວຽດນາມ ພ້ອມທັງຮັບປະກັນການປະຕິບັດຕາມມາດຕະຖານສາກົນ ດ້ານມາດຕະການສຸຂານາໄມພືດ ຂອງສົນທິສັນຍາປ້ອງກັນພືດສາກົນ (ISPMs, IPPC) ແລະ ລະບຽບການນໍາເຂົ້າດ້ານສຸຂານາໄມພືດ ຂອງ ສສ ຫວຽດນາມ. ທ່ານລັດຖະມົນຕີ ກະຊວງ ກະສິກຳ ແລະ ປ່າໄມ້ ໄດ້ອອກ ຄໍາສັ່ງ ກ່ຽວກັບ ການເພິ່ມທະວີຄວາມເຂັ້ມງວດໃນການຄຸ້ມຄອງ ແລະ ກວດກາຢັ້ງຢຶນສຸຂານາໄມພືດ ສໍາລັບພືດ ແລະ ຜະລິດຕະພັນພືດ ສົ່ງອອກໄປຍັງ ສສ ຫວຽດນາມ ສະບັບເລກທີ 3300/ ກປ, ນະຄອນຫຼວງວຽງຈັນ, ລົງວັນທີ 30 ຕຸລາ 2014.
ໂດຍອິງຕາມ ບົດບັນທຶກການຮ່ວມມືລະຫວ່າງກົມປູກຝັງ (ສປປ ລາວ) ແລະ ກົມປ້ອງກັນພືດ (ສສ ຫວຽດນາມ) ກ່ຽວກັບ ການກັກກັນພືດ ແລະ ການກວດກາປະຕູດຽວ ຄັ້ງດຽວ ຄັ້ງວັນທີ 3/10/2014 ທີ່ແຂວງກວາງຈິ ສສ ຫວຽດນາມ ແລະ ແຈ້ງການຂອງກົມປ້ອງກັນພືດ ສສ ຫວຽດນາມ ກ່ຽວກັບການຢັ້ງຢືນ ສຸຂານາໄມພືດ ສຳລັບພືດ ແລະ ຜະລິດຕະພັນພືດ ສົ່ງອອກໄປ ສສ ຫວຽດນາມ, ລົງວັນທີ 14/10/2014 ເພື່ອເປັນການອຳນວຍຄວາມສະດວກໃຫ້ແກ່ພາກລັດ ກໍຄືທຸລະກິດ ໃນການແຈ້ງ ແລະ ກວດກາຢູ່ຈຸດດຽວ ຊຶ່ງເປັນການຊ່ວຍປະຫຍັດທັງເວລາ ແລະ ຄ່າໃຊ້ຈ່າຍ.
| # | ຫົວຂໍ້ | ດາວໂຫຼດ |
|---|---|---|
| 1 | Order to Increase Strictness on Administration and Inspection of Phytosanitary Certification for Plants and Plant Products to Socialist Republic of Vietnam |  PDF |
ກະລຸນາປະກອບຄວາມຄິດເຫັນຂອງທ່ານຂ້າງລຸ່ມນີ້ ແລະຊ່ວຍພວກເຮົາປັບປຸງເນື້ອຫາຂອງພວກເຮົາ.