ເພື່ອຮັບປະກັນຄວາມເປັນເອກະພາບໃນການຈັດຕັ້ງປະຕິບັດການສົ່ງອອກຜະລິດຕະພັນໄມ້ ແລະ ອີງໃສ່ ຄວາມສາມາດຕົວຈິງໃນການຜະລິດຂອງບັນດາໂຮງງານປຸງແຕ່ງໄມ້ພາຍໃນປະເທດ. ກະຊວງ ອຄ ອອກ ຄໍາສັ່ງແນະນໍາເພີ່ມເຕີມ ກ່ຽວກັບ ຜະລິດຕະພັນໄມ້ເຄິ່ງສໍາເລັດຮູບທີ່ສາມາດສົ່ງອອກໄປຕ່າງປະເທດໄດ້ ສະບັບເລກທີ 2156/ອຄ.ກຂອ, ລົງວັນທີ 19 ຕຸລາ 2015 ເຊິ່ງໄດ້ກໍານົດໃຫ້ພະແນກອຸດສາຫະກໍາ ແລະ ການຄ້າແຂວງ, ນະຄອນຫຼວງວຽງຈັນ ເປັນຜູ່ພິຈາລະນາອະນຸຍາດການສົ່ງອອກຜະລິດຕະພັນໄມ້ເຄິ່ງສໍາເລັດຮູບ ທີ່ໄດ້ລະບຸໄວ້ໃນຕາຕະລາງຊ້ອນທ້າຍ 2 ຂອງຂໍ້ຕົກລົງວ່າດ້ວຍຜະລິດຕະພັນໄມ້, ສະບັບເລກທີ 2005/ອຄ. ກອຫ, ລົງວັນທີ 28 ກັນຍາ 2015. ຍົກເວັ້ນໄມ້ເສົາໂຊ ແມ່ນໃຫ້ພະແນກອຸດສາຫະກໍາ ແລະ ການຄ້າແຂວງ, ນະຄອນຫຼວງວຽງຈັນ ສົມທົບກັບຂະແໜງການກ່ຽວຂ້ອງ ກວດກາແຫຼ່ງທີ່ມາຂອງໄມ້ ແລ້ວລາຍງານໃຫ້ ກົມການນໍາເຂົ້າ ແລະ ສົ່ງອອກ, ກະຊວງ ອຸດສາຫະກໍາ ແລະ ການຄ້າ ເປັນຜູ່ພິຈາລະນາ.
ກະລຸນາປະກອບຄວາມຄິດເຫັນຂອງທ່ານຂ້າງລຸ່ມນີ້ ແລະຊ່ວຍພວກເຮົາປັບປຸງເນື້ອຫາຂອງພວກເຮົາ.