ຂົ້ນຕອນໃນການຈົດທະບຽນອາຫານເສີມ ໂດຍອີງຕາມຂໍ້ຕົກລົງ ວ່າດ້ວຍ ການຄຸ້ມຄອງການຜະລິດ, ສົ່ງອອກ-ນໍາເຂົ້າ ອາຫານທີ່ປອດໄພ ເລກທີ 856/ກຊສ, ລົງວັນທີ 12 ພຶດສະພາ 2006

ຂະບວນການດັ່ງກ່າວນີ້ ແມ່ນສໍາລັບຜູ້ທີ່ຕ້ອງການນໍາເຂົ້າ "ອາຫານເສີມ". ໃນກໍລະນີນີ້ທ່ານຈະຕ້ອງມີໃບຢັ້ງຢືນການຈົດທະບຽນ ກ່ອນທີ່ຈະດໍາເນີນການຕໍ່ ຕາມຂັ້ນຕອນການນໍາເຂົ້າປົກກະຕິ.

ຂັ້ນຕອນ 1: ຜູ້ປະກອບການຕ້ອງໄດ້ປະກອບເອກະສານຕ່າງໆ ຕາມແບບຟອມຂອງກົມອາຫານ ແລະ ຢາ, ຜູ້ປະກອບການສາມາດຊື້ແບບຟອມຢູ່ກົມອາຫານ ແລະ ຢາ ເຊິ່ງປະກອບມີໃບຄໍາຮ້ອງ ແລະ ລາຍການເອກະສານຕ່າງໆ ດັ່ງລຸ່ມນີ້:

1. ໃບຄໍາຮ້ອງ (ມີແບບຟອມ);
2. ໃບສະເໜີຈາກຜູ້ປະກອບການ;
3. ໃບມອບສິດຈາກບໍລິສັດແມ່ ມອບໃຫ້ບໍລິສັດທີ່ຈົດທະບຽນຢູ່ລາວ;
4. ໃບອະນຸຍາດໃຫ້ຂາຍ ຈາກອົງການຄຸ້ມຄອງອາຫານ ແລະ ຢາ ຂອງປະເທດສົ່ງອອກ
5. ໃບຢັ້ງຢືນການວິໃຈ ຈາກພາກລັດ ຫຼື ຈາກຫ້ອງວິໃຈເອກະຊົນ ທີ່ໄດ້ຮັບຮອງມາດຕະຖານສາກົນອາຍຸບໍ່ເກີນ 6 ເດືອນ ຈາກປະເທດສົ່ງອອກ;
6. ໃບທະບຽນຈາກອົງການຄຸ້ມຄອງອາຫານ ແລະ ຢາ ຂອງປະເທດສົ່ງອອກ;
7. ໃບຢັ້ງຢືນສ່ວນປະກອບຂອງຜະລິດຕະພັນ;
8. ສະຫຼາກຜະລິດຕະພັນ ເປັນພາສາລາວ ຫຼື ພິມສະຕິກເກີ ພາສາລາວຕິດໃສ່ກັບກ່ອງ;
9. ໃບຢັ້ງຢືນການຜະລິດທີ່ດີ;
10. ໃບທະບຽນວິສາຫະກິດ ທີ່ສາມາດນໍາເຂົ້າສະບຽງອາຫານ ຫຼື ນໍາເຂົ້າອາຫານເສີມ;
11. ຕົວຢ່າງຜະລິດຕະພັນ ຫົວໜ່ວຍມັດຫໍ່ເດີມ (01 ຕົວຢ່າງ/ລາຍການ ໃນຫົວໜ່ວຍມັດຫໍ່ເດີມ).

ກົດທີ່ນີ້ ເພື່ອກວດເບິ່ງແບບຟອມໃບສະເໜີຂໍໃບຢັ້ງຢືນຈົດທະບຽນ.

ຂັ້ນຕອນ 2:  ພາຍຫຼັງປະກອບເອກະສານຄົບຖ້ວນແລ້ວ,​ ຜູ້ປະກອບການ ຕ້ອງຍື່ນເອກະສານ ກັບກົມອາຫານ ແລະ ຢາ,  ກະຊວງສາທາລະນະສຸກ. ພະນັກງານ ຈະດໍາເນີນກວດກາເອກະສານຢ່າງລະອຽດ ຖ້າຄົບຕາມຂັ້ນຕອນ 1 ແມ່ນຈະບັນທຶກການຮັບເອກະສານ ຖ້າບໍ່ຄົບ ຈະສົ່ງເອກະສານຄືນໃຫ້ຜູ້ປະກອບການພ້ອມແນະນໍາລະອຽດການປະກອບເອກະສານໃຫ້ຄົບຖ້ວນ.

ຂັ້ນຕອນ 3: ພາຍຫຼັງເອກະສານຄົບຖ້ວນ ແມ່ນຈະຜ່ານຂະບວນການພິຈາລະນາ ຢ່າງລະອຽດ ໂດຍກົມອາຫານ ແລະ ຢາ ເຊັ່ນ: ກວດສອບຄວາມຖືກຕ້ອງເອກະສານ, ລົງກວດກາສະຖານທີ່, ກໍາມະວິທີການຜະລິດອາຫານ ແລະ ເກັບຕົວຢ່າງສົ່ງໄປວິໄຈເພື່ອຢັ້ງຢືນຄຸນນະພາບ ໄລຍະເວລາໃນການພິຈາລະນາອອກທະບຽນພາຍໃນ 4 ເດືອນ.

ຂັ້ນຕອນ 4: ກົມອາຫານ ແລະ ຢາ ຈະອອກໃບຢັ້ງຢືນຈົດທະບຽນ ພາຍຫຼັງໄດ້ ພິຈາລະນາຕາມຂະບວນການຢ່າງຖິຖ້ວນ. ກົມອາຫານ ແລະ ຢາ, ກະຊວງສາທາລະນະສຸກອອກຕົວຢ່າງໃບຢັ້ງຢືນ: ໃບຍັ້ງຢືນການຈົດທະບຽນ. 

ຂັ້ນຕອນ 5​​:​ ຜູ້ປະກອບການສາມາດຮັບເອົາໃບຢັ້ງຢືນຈົດທະບຽນອາຫານເສີມໄດ້ທີ່ກົມອາຫານ ແລະ ຢາ, ກະຊວງສາທາລະນະສຸກ.

ສາມາດສອບຖາມຂໍ້ມູນລະອຽດໄດ້ທີ່:

ກົມອາຫານ ແລະ ຢາ: 

ບ້ານທາດຂາວ, ຖະໜົນສີເມືອງ, ນະຄອນຫຼວງວຽງຈັນ, ສປປລາວ 
ໂທລະສັບ: +(856-21) 214013
ໂທລະສານ: +(856-21) 214015
ເວັບໄຊທ໌: www.fdd.gov.la
ອີເມວ: [email protected]

ກອງກວດກາອາຫານ ແລະ ຢາ:

ບ້ານ ສີເມືອງ, ຖະໜົນເສດຖາທິລາດ, ນະຄອນຫລວງວຽງຈັນ.

ໂທລະສັບ: +856 21 255461

ແຟກສ໌: +856 21 254610

ເວັບໄຊທ໌: www.bfdi.gov.la

• ຟອມລຸ່ມນີ້ ໃຊ້ຮ່ວມກັບຂັ້ນຕອນນີ້
• ຂັ້ນຕອນນີ້ ໃຊ້ກັບມາດຕະການລຸ່ມນີ້
• The procedure applies to Step-by-Step Guide