ອີງຕາມ ກົດໝາຍວ່າດ້ວຍການຄຸ້ມຄອງເງິນຕາຕ່າງປະເທດ ສະບັບເລກທີ 55/ສພຊ, ລົງວັນທີ 22 ທັນວາ 2014 ແລະ ບົດແນະນຳ ການຈັດຕັ້ງປະຕິບັດ ລັດຖະບັນຍັດ ວ່າດ້ວຍ ການຄຸ້ມຄອງ ເງິນຕາຕ່າງປະເທດ ແລະ ວັດຖຸມີຄ່າ ເລກທີ 01/ທຫລ, ລົງວັນທີ 02 ເມສາ 2010, ໄດ້ກຳນົດຫຼັກການລວມກ່ຽວກັບການດຳເນີນທຸລະກິດນໍາເຂົ້າ ແລະ ສົ່ງອອກ ຄຳທີ່ສາກົນນຳໃຊ້ເປັນເຄື່ອງມືຊຳລະລະຫວ່າງປະເທດ (ຄຳແທ່ງ).
ສຳລັບລະບຽບການສະເພາະທີ່ຄຸ້ມຄອງ ການນຳເຂົ້າ ແລະ ສົ່ງອອກ ຄຳແທ່ງ ແມ່ນ ຂໍ້ຕົກລົງ ວ່າດ້ວຍການດໍາເນີນທຸລະກິດ ນໍາເຂົ້າ-ສົ່ງອອກຄໍາ ທີ່ສາກົນນໍາໃຊ້ເປັນເຄື່ອງມືຊໍາລະ ລະຫວ່າງປະເທດ, ເລກທີ 461/ທຫລ, ລົງວັນທີ 03 ມິຖຸນາ 2019
ການຂໍອະນຸຍາດນຳເຂົ້າ ຫຼື ສົ່ງອອກ ຄຳແທ່ງ ແມ່ນຕ້ອງຂໍອະນຸຍາດເປັນແຕ່ລະຄັ້ງ ເຊິ່ງມີຂັ້ນຕອນດັ່ງນີ້:
1. ຜູ້ນຳເຂົ້າ/ຜູ້ສົ່ງອອກ ກະກຽມເອກະສານ ເພື່ອຍື່ນຂໍອະນຸຍາດ ຄື:
- ໃບຄຳຮ້ອງແບບທົ່ວໄປຂໍອະນຸຍາດນຳເຂົ້າ ຫຼື ສົ່ງອອກຄໍາ ຕາມແບບພິມຂອງທະນາຄານແຫ່ງ ສປປ ລາວ
- ໃບອະນຸຍາດດໍາເນີນທຸລກິດນໍາເຂົ້າ - ສົ່ງອອກຄໍາ ປະຈໍາປີ
- ໃບທະບຽນວິສາຫະກິດ
- ໃບສັ່ງຊີ້ສິນຄ້າ ຫຼື ໃບແຈ້ງລາຄາສິນຄ້າ (Invoice)
- ໃບຫຸ້ມຫໍ່ສິນຄ້າ
ຜູ້ນຳເຂົ້າ/ຜູ້ສົ່ງອອກ ຢື່ນເອກະສານດັ່ງທີ່ກ່າວມາຂ້າງເທິງ ຢູ່ພະແນກຄຸ້ມຄອງເງິນຕາຕ່າງປະເທດ, ກົມນະໂຍບາຍເງິນຕາ, ທະນາຄານແຫ່ງ ສປປ ລາວ.
2. ກົມນະໂຍບາຍເງິນຕາ, ພິຈາລະນາຄຳຮ້ອງ ພາຍໃນ 03 ວັນ ລັດຖະການ.
- ໃນກໍລະນີທີ່ເອກະສານຄົບຖ້ວນ ແລະ ຖືກຕ້ອງ, ກົມນະໂຍບາຍເງິນຕາ ຈະພິຈາລະນາອອກ ໃບອະນຸຍາດສົ່ງອອກ.
- ໃນກໍລະນີທີ່ເອກະສານບໍ່ຖືກຕ້ອງ, ກົມນະໂຍບາຍເງິນຕາ ຈະແຈ້ງໃຫ້ຜູ້ປະກອບການຊາບ ເພຶື່ອປະກອບເອກະສານຄືນໃໝ່.
ໃບອະນຸຍາດນໍາເຂົ້າ-ສົ່ງອອກ ຄໍາ ມີຜົນໃຊ້ໄດ້ໄລຍະເວລາ 7 ວັນ ນັບແຕ່ມື້ອອກໃບອະນຸຍາດ
3. ເມື່ອເອກະສານຄົບຖ້ວນ ແລະ ຖືກຕ້ອງ, ກົມນະໂຍບາຍເງິນຕາ ຈະເຊັນ ແລະ ອອກ ໃບອະນຸຍາດນຳເຂົ້າ/ສົ່ງອອກຄຳແທ່ງ. (ເບິ່ງຕົວຢ່າງ ທີ່ນີ້)
4. ຜູ້ນຳເຂົ້າ/ຜູ້ສົ່ງອອກ ຈ່າຍຄ່າທຳນຽມ 50,000 ກີບ (ຫ້າສິນພັນກິບ) ທີ່່ກົມເງິນຕາ-ຄັງສາງ, ທະນາຄານແຫ່ງ ສປປ ລາວ. ຫຼັງຈາກນັ້ນ ນຳໃບບິນດັ່ງກ່າວ ຍື່ນຕໍ່ພະແນກຄຸ້ມຄອງເງິນຕາຕ່າງປະເທດ, ກົມນະໂຍບາຍເງິນຕາ ເພື່ອຮັບໃບອະນຸຍາດນຳເຂົ້າ/ສົ່ງອອກຄຳແທ່ງ.
ຕິດຕໍ່ພົວພັນລາຍລະອຽດຕື່ມໄດ້ທີ່: ທະນາຄານແຫ່ງ ສປປ ລາວ
ເວັບໄຊ https://www.bol.gov.la
ຕູ້ໄປສະນີ 19, ໂທລະພິມ:4304 BNL.VTE.LS ໂທລະສັບ: 213109, 213110 ([email protected] | www.bol.gov.la)
| # | ຫົວຂໍ້ | ລາຍລະອຽດ | ອອກໂດຍ | ໄຟລ໌ |
|---|---|---|---|---|
| 1 | ໃບອະນຸຍາດສົ່ງອອກ ວັດຖຸມີຄ່າ | ໃບອະນຸຍາດສົ່ງອອກ ວັດຖຸມີຄ່າ | ທະນາຄານແຫ່ງ ສປປ ລາວ | DOC |
| 2 | ໃບອະນຸຍາດນຳເຂົ້າ ວັດຖຸມີຄ່າ | ໃບອະນຸຍາດນຳເຂົ້າ ວັດຖຸມີຄ່າ | ທະນາຄານແຫ່ງ ສປປ ລາວ | DOC |
| # | ຊື່ | ລາຍລະອຽດ | ປະເພດ ມາດຕະການ | ອົງກອນ | ຄຳເຫັນ | ນິຕິກໍາ | ສິ້ນສຸດ | ໝວດມາດຕະການ |
|---|---|---|---|---|---|---|---|---|
| 1 | ຮຽກຮ້ອງໃຫ້ມີການຂໍໃບອະນຸຍາດນໍາເຂົ້າ - ຄໍາ ທີ່ສາກົນນໍາໃຊ້ເປັນເຄື່ອງມືຊໍາລະສະສາງລະຫວ່າງປະເທດ | ການນໍາເຂົ້າຄໍາ (ສະເພາະຄໍາແທ່ງທີ່ສາກົນຮັບຮູ້ເພື່ອນໍາໃຊ້ໃນການຊຳລະ) ຕ້ອງໄດ້ຮັບອະນຸຍາດນໍາເຂົ້າ ຈາກກົມນະໂຍບາຍເງິນຕາ, ທະນາຄານແຫ່ງ ສປປ ລາວ | ຕ້ອງມີໃບອະນຸຍາດ | ທະນາຄານແຫ່ງ ສປປ ລາວ | ເພື່ອຄວາມໝັ້ນຄົງທາງດ້ານເສດຖະກິດເງິນຕາ. | ຂໍ້ຕົກລົງ ວ່າດ້ວຍການດໍາເນີນທຸລະກິດ ນໍາເຂົ້າ-ສົ່ງອອກຄໍາ ທີ່ສາກົນນໍາໃຊ້ເປັນເຄື່ອງມືຊໍາລະ ລະຫວ່າງປະເທດ, ເລກທີ 461/ທຫລ, ລົງວັນທີ 03 ມິຖຸນາ 2019 | 9999-12-31 | ສິນຄ້າ |
| 2 | ຮຽກຮ້ອງໃຫ້ມີການຂໍໃບອະນຸຍາດສົ່ງອອກ - ຄໍາ ທີ່ສາກົນນໍາໃຊ້ເປັນເຄື່ອງມືຊໍາລະສະສາງລະຫວ່າງປະເທດ | ການສົ່ງອອກຄໍາ (ສະເພາະຄໍາທີ່ສາກົນຮັບຮູ້ເພື່ອນຳໃຊ້ໃນການຊຳລະ) ຕ້ອງໄດ້ຮັບອະນຸຍາດສົ່ງອອກຈາກກົມນະໂຍບາຍເງິນຕາ, ທະນາຄານແຫ່ງ ສປປ ລາວ | ຕ້ອງມີໃບອະນຸຍາດ | ທະນາຄານແຫ່ງ ສປປ ລາວ | ເພື່ອຄວາມໝັ້ນຄົງທາງດ້ານ ເສດຖະກິດເງິນຕາ. | ຂໍ້ຕົກລົງ ວ່າດ້ວຍການດໍາເນີນທຸລະກິດ ນໍາເຂົ້າ-ສົ່ງອອກຄໍາ ທີ່ສາກົນນໍາໃຊ້ເປັນເຄື່ອງມືຊໍາລະ ລະຫວ່າງປະເທດ, ເລກທີ 461/ທຫລ, ລົງວັນທີ 03 ມິຖຸນາ 2019 | 9999-12-31 | ສິນຄ້າ |
| 3 | ຮຽກຮ້ອງໃຫ້ມີໃບອະນຸຍາດ ດໍາເນີນທຸລະກິດນໍາເຂົ້າ ຄໍາ | ບໍລິສັດທີ່ມີຈຸດປະສົງສ້າງຕັ້ງທຸລະກິດນຳເຂົ້າຄໍາ ທີ່ສາກົນນຳໃຊ້ເປັນພາຫະນະຊຳລະ ຕ້ອງປະກອບເອກະສານຂໍອະນຸຍາດດໍາເນີນທຸລະກິດກັບກົມນະໂຍບາຍເງິນຕາ, ທະນາຄານແຫ່ງ ສປປ ລາວ. | ຮຽກຮ້ອງໃຫ້ມີການຈົດທະບຽນ | ທະນາຄານແຫ່ງ ສປປ ລາວ | ເພື່ອຄວາມໝັ້ນຄົງທາງດ້ານເງິນຕາ | ຂໍ້ຕົກລົງ ວ່າດ້ວຍການດໍາເນີນທຸລະກິດ ນໍາເຂົ້າ-ສົ່ງອອກຄໍາ ທີ່ສາກົນນໍາໃຊ້ເປັນເຄື່ອງມືຊໍາລະ ລະຫວ່າງປະເທດ, ເລກທີ 461/ທຫລ, ລົງວັນທີ 03 ມິຖຸນາ 2019 | 9999-12-31 | ສິນຄ້າ |
ກະລຸນາປະກອບຄວາມຄິດເຫັນຂອງທ່ານຂ້າງລຸ່ມນີ້ ແລະຊ່ວຍພວກເຮົາປັບປຸງເນື້ອຫາຂອງພວກເຮົາ.