ຢູ່ ສປປ ລາວ, ນິຕິກຳທີ່ຄຸ້ມຄອງການສົ່ງອອກ ສັດປ່າ ແລະ ພືດປ່າ ແມ່ນ ກົດໝາຍ ວ່າດ້ວຍ ປ່າໄມ້ ສະບັບ ເລກທີ 06/ສພຊ, ກົດໝາຍ ວ່າດ້ວຍ ສັດນ້ຳ ແລະ ສັດປ່າ ສະບັບ ເລກທີ 07/ສພຊ, ແລະ ລະບຽບການວ່າດ້ວຍ ການຄ້າຂາຍສັດປ່າ ແລະ ພືດປ່າທີ່ໃກ້ຈະສູນພັນ (CITES).
ການສົ່ງອອກສັດປ່າ ແລະ ພືດປ່າ ແມ່ນຕ້ອງໄດ້ຂໍອະນຸຍາດກັບ ກົມຄຸ້ມຄອງຊັບພະຍາກອນປ່າໄມ້, ກະຊວງ ກະສິກຳ ແລະ ປ່າໄມ້.
ການຂໍອະນຸຍາດສົ່ງອອກ ສັດປ່າ ຫຼື ພືດປ່າ ແມ່ນຕ້ອງຂໍອະນຸຍາດນຳເຂົ້າເປັນແຕ່ລະຄັ້ງ ເຊິ່ງມີຂັ້ນຕອນດັ່ງນີ້:
1. ຜູ້ສົ່ງອອກ ກະກຽມເອກະສານ ເພື່ອຍື່ນຂໍອະນຸຍາດສົ່ງອອກ ຄື:
- ໃບຢັ້ງຢືນແຫຼ່ງກຳເນີດສິນຄ້າ
- ໃບຢັ້ງຢຶນສຸຂານາໄມ/ສຸຂານາໄມພືດ
- ໃບທະບຽນວິສາຫະກິດ (ສຳເນົາ)
- ໃບແຈ້ງລາຄາ
- ໃບສະເໜີ
ຜູ້ສົ່ງອອກ ຢື່ນເອກະສານດັ່ງທີ່ກ່າວມາຂ້າງເທິງ ຢູ່ພະແນກຄຸ້ມຄອງສັດນ້ຳ ແລະ ສັດປ່າ, ກົມຄຸ້ມຄອງຊັບພະຍາກອນປ່າໄມ້, ກະຊວງ ກະສິກຳ ແລະ ປ່າໄມ້.
2. ກົມຄຸ້ມຄອງຊັບພະຍາກອນປ່າໄມ້, ກະຊວງ ກະສິກຳ ແລະ ປ່າໄມ້ ພິຈາລະນາຄຳຮ້ອງ ພາຍໃນ 5-10 ວັນ ລັດຖະການ.
- ໃນກໍລະນີທີ່ເອກະສານຄົບຖ້ວນ ແລະ ຖືກຕ້ອງ, ກົມຄຸ້ມຄອງຊັບພະຍາກອນປ່າໄມ້ ຈະພິຈາລະນາອອກ ໃບອະນຸຍາດສົ່ງອອກ.
- ໃນກໍລະນີທີ່ເອກະສານບໍ່ຖືກຕ້ອງ, ກົມຄຸ້ມຄອງຊັບພະຍາກອນປ່າໄມ້ ຈະແຈ້ງໃຫ້ຜູ້ປະກອບການຊາບ ເພຶື່ອປະກອບເອກະສານຄືນໃໝ່.
3. ເມື່ອເອກະສານຄົບຖ້ວນ ແລະ ຖືກຕ້ອງ, ກົມຄຸ້ມຄອງຊັບພະຍາກອນປ່າໄມ້ ຈະເຊັນ ແລະ ອອກ ໃບອະນຸຍາດສົ່ງອອກສັດປ່າ ແລະ ພືດປ່າ. (ເບິ່ງຕົວຢ່າງ ທີ່ນີ້)
4. ຜູ້ສົ່ງອອກ ຮັບໃບອະນຸຍາດສົ່ງອອກ ແລະ ຈ່າຍຄ່າທຳນຽມຈຳນວນ 20,000 ກີບ ທີ່ ກົມຄຸ້ມຄອງຊັບພະຍາກອນປ່າໄມ້, ກະຊວງ ກະສິກຳ ແລະ ປ່າໄມ້.
| # | ຫົວຂໍ້ | ລາຍລະອຽດ | ອອກໂດຍ | ໄຟລ໌ |
|---|
| # | ຊື່ | ລາຍລະອຽດ | ປະເພດ ມາດຕະການ | ອົງກອນ | ຄຳເຫັນ | ນິຕິກໍາ | ສິ້ນສຸດ | ໝວດມາດຕະການ |
|---|---|---|---|---|---|---|---|---|
| 1 | ຄ່າທໍານຽມ - ໃບອະນຸຍາດນໍາເຂົ້າ ສັດນໍ້າ ແລະ ສັດປ່າ | "ຄ່າທໍານຽມໃບອະນຸຍາດນໍາເຂົ້າ ສັດນໍ້າ ແລະ ສັດປ່າ ແມ່ນເສຍຕາມມູນຄ່າດັ່ງນີ້: - ມູນຄ່າ 10 ລ້ານກີບລົງມາ ແມ່ນ 100,000 ກີບ/ຄັ້ງ - ມູນຄ່າຫຼາຍກວ່າ 10 ຫາ 50 ລ້ານກີບ ແມ່ນ 200,000 ກີບ/ຄັ້ງ - ມູນຄ່າຫຼາຍກວ່າ 50 ຫາ 100 ລ້ານກີບ ແມ່ນ 500,000 ກີບ/ຄັ້ງ - ມູນຄ່າຫຼາຍກວ່າ 100 ລ້ານ ຂຶ້ນໄປ ແມ່ນ 1,000,000 ກີບ ຕໍ່ຄັ້ງ" | ພັນທະທີ່ຕ້ອງຈ່າຍ | ກະຊວງ ກະສິກຳ ແລະ ປ່າໄມ້ | ເພື່ອເກັບລາຍຮັບເຂົ້າງົບປະມານລັດ | ລັດຖະບັນຍັດ ຂອງປະທານປະເທດ ວ່າດ້ວຍ ຄ່າທຳນຽມ ແລະ ຄ່າບໍລິການ, ສະບັບເລກທີ 002/ປປທ, ລົງວັນທີ 17 ມິຖຸນາ 2021 | 9999-12-31 | ສິນຄ້າ |
| 2 | ຮຽກຮ້ອງໃຫ້ມີການຂຶ້ນທະບຽນຜູ້ສົ່ງອອກ - ສັດປ່າປະເພດ II ແລະ III ຂອງ CITES | ຜູ້ສົ່ງອອກ ສັດປ່າປະເພດ II ແລະ III ຂອງ CITES ຕ້ອງໄດ້ຮັບອະນຸຍາດ ດຳເນີນກິດຈະການກະສິກຳ ແລະ ປ່າໄມ້ ຈາກກົມປ່າໄມ້, ກະຊວງກະສິກຳ ແລະ ປ່າໄມ້ | ຮຽກຮ້ອງໃຫ້ມີການຈົດທະບຽນ | ກະຊວງ ກະສິກຳ ແລະ ປ່າໄມ້ | ເພື່ອຄວາມຍືນຍົງ ຂອງລະບົບນິເວດທຳມະຊາດ ແລະ ເພື່ອປະຕິບັດຕາມພັນທະທີ່ ສປປ ລາວ ມີຕໍ່ສົນທິສັນຍາ CITES | ຂໍ້ຕົກລົງ ວ່າດ້ວຍການສ້າງ ແລະ ຄຸ້ມຄອງ ສວນສັດ, ຟາມສັດປ່າ, ສູນຟື້ນຟູ ແລະ ຂະຫຍາຍພັນ ສັດປ່າ ແລະ ສວນພືດປ່າ ເລກທີ 0188/ກປ, ລົງວັນທີ 03 ກຸມພາ 2019 | 9999-12-31 | ສິນຄ້າ |
ກະລຸນາປະກອບຄວາມຄິດເຫັນຂອງທ່ານຂ້າງລຸ່ມນີ້ ແລະຊ່ວຍພວກເຮົາປັບປຸງເນື້ອຫາຂອງພວກເຮົາ.