ໂດຍທົ່ວໄປແລ້ວລະບຽບການນີ້ ນໍາໃຊ້ກັບສິນຄ້າທຸກປະເພດທີ່ສົ່ງອອກຈາກປະເທດລາວ ພາຍໃຕ້ລະບອບພາສີ EX1.
ແນວໃດກໍຕາມ, ສິນຄ້າປະເພດຕ່າງກັນອາດຈະຕ້ອງການເອກະສານສະໜັບສະໜູນແຕກຕ່າງກັນ ເພື່ອສົ່ງໃຫ້ດ່ານພາສີພ້ອມກັບໃບແຈ້ງພາສີ. ກະລຸນາກວດເບິ່ງເວັບໄຊທ໌ນີ້ ຫຼື ປຶກສາກັບໜ່ວຍງານທີ່ກ່ຽວຂ້ອງ ຖ້າທ່ານມີຂໍ້ສົງໄສວ່າມັນຈໍາເປັນຕ້ອງມີໃບອະນຸຍາດ ຫຼື ໃບອະນຸມັດສະເພາະໃດໜຶ່ງ ຫຼື ບໍ່.
ໃນປະຈຸບັນລະບຽບການນີ້ ກຳລັງນໍາໃຊ້ຢູ່ທຸກດ່ານຊາຍແດນ ຍົກເວັ້ນຢູູ່ 11 ດ່ານພາສີສາກົນ ເຊັ່ນ: ດ່ານ ຂົວມິດຕະພາບ 1 ຫຼື ດ່ານຊາຍແດນທ່ານາແລ້ງ, ດ່ານພາສີສາກົນ ນໍ້າພາວ, ດ່ານພາສີສາກົນແດນ ສະຫວັນ, ດ່ານພາສີສາກົນ ບໍ່ເຕັນ, ດ່ານພາສີສາກົນ ຫ້ວຍຊາຍ, ດ່ານພາສີສາກົນ ຂົວມິດຕະພາບ 2, ດ່ານພາສີສາກົນ ວັງເຕົາ, ດ່ານພາສີສາກົນ ນໍ້າໂສຍ, ດ່ານພາສີສາກົນ ຂົວມິດຕະພາບນໍ້າເຫືອງ, ດ່ານພາສີສາກົນ ຂົວມິດຕະພາບ 3 ແລະ ດ່ານພາສີສາກົນ ສະໜາມບີນວັດໄຕ ເຊິ່ງເປັນບ່ອນທີ່ກຳລັງນໍາໃຊ້ລະບົບຄຸ້ມຄອງພາສີແບບອັດຕະໂນມັດ Asycuda. ກົດທີ່ນີ້ ເພື່ອເບິ່ງລະບຽບການສໍາລັບການຊໍາລະພາສີສິນຄ້າຢູ່ທີ່ 11 ດ່ານດັ່ງກ່າວ.
Note 1
ເອກະສານການຂົນສົ່ງຕ້ອງໄດ້ສົ່ງໃຫ້ດ່ານພາສີພາຍໃນ 24 ຊົ່ວໂມງ ນັບຈາກສິນຄ້າມາຮອດຊາຍແດນ.
Note 2
ເອກະສານການຂົນສົ່ງແມ່ນເອກະສານທາງການຄ້າ ທີ່ໃຫ້ລາຍລະອຽດກ່ຽວກັບເຄື່ອງຂອງທີ່ບັນຈຸ ຢູ່ໃນຍານຍົນ ຫຼື ພາຫະນະທີ່ຂົນສົ່ງສິນຄ້າ ແລະ ມາຮອດດ່ານຊາຍແດນ. ສິ່ງເຫຼົ່ານີ້ສາມາດເປັນໃບລາຍການສິນຄ້າ (ໃນກໍລະນີການຂົນສົ່ງທາງອາກາດ), ໃບແຈ້ງການຂົນສົ່ງ, ລາຍການບັນທຸກ ຫຼື ລາຍການຫຸ້ມຫໍ່ ຫຼື ສຳເນົາຂອງໃບແຈ້ງການສົ່ງອອກ ໃນກໍລະນີຂອງພາຫະນະທາງບົກ.
Note 3
ໃບແຈ້ງພາສີນໍາເຂົ້າຕ້ອງໄດ້ສົ່ງພາຍໃນ 15 ວັນ ນັບຈາກວັນທີຍື່ນເອກະສານການຂົນສົ່ງ.
ໃບແຈ້ງພາສີຕ້ອງໄດ້ຍື່ນແຈ້ງ ໂດຍນໍາໃຊ້ ແບບຟອມ ACDD. ແບບຟອມ ACDD ທີ່ໄດ້ຮັບອະນຸຍາດຢ່າງຖືກຕ້ອງ ສາມາດຂໍເອົາຈາກຫ້ອງການພາສີຢູ່ ດ່ານຊາຍແດນ.
Note 4
ໃບຢັ້ງຢືນແຫຼ່ງກຳເນີດ (Certificates of Origin) ສໍາລັບບັນດາປະເທດທີ່ ສປປ ລາວ ມີອັດຕາພາສີພິເສດ (ເຊັ່ນວ່າ ASEAN) ຈະຕອ້ງໄດ້ຮັບຈາກພະແນກ C.O (Certificate of Origin Division) ກົມການນຳເຂົ້າ ແລະ ສົ່ງອອກ, ກະຊວງ ອຸດສາຫະກຳ ແລະ ການຄ້າ.
ສະພາການຄ້າ ແລະ ອຸດສາຫະກຳລາວ ມີໜ້າທີ່ອອກ ໃບຢ້ັ້ງຢືນແຫຼ່ງກຳເນີດ (Certificates of Origin) ສຳລັບສິນຄ້າທີ່ຈະສົ່ງອອກໄປປະເທດ ອື່ນໆທັງໝົດ.
Note 5
ໃບອະນຸຍາດສົ່ງອອກແມ່ນ ອອກໂດຍ ກົມການນຳເຂົ້າ ແລະ ສົ່ງອອກ ກະຊວງ ອຸດສາຫະກຳ ແລະ ການຄ້າ ສຳລັບລາຍການສິນຄ້າຕ້ອງໄດ້ຮັບ ໃບອະນຸຍາດກ່ອນ. ກົດທີ່ນີ້ ເພື່ອກວດເບິ່ງຂະບວນການ ແລະ ຂັ້ນຕອນໃນການຂໍໃບອະນຸຍາດສົ່ງອອກ.
Note 6
ໃນກໍລະນີທີ່ບໍ່ປົກກະຕິ ສຳລັບການແກ້ໄຂໃບແຈ້ງ ຜູ້ສົ່ງອອກອາດສືບຕໍ່ຂັ້ນຕອນການແຈ້ງໄດ້. ແຕ່ຫາກເຫດທີ່ບໍ່ປົກກະຕິນັ້ນ ໄດ້ຮັບການພິຈາລະນາວ່າ ອາດຈະກໍໃຫ້ເກີດຜົນເສຍຫາຍຮ້າຍແຮງໄດ້, ເຈົ້າໜ້າທີ່ພາສີອາດຕັດສິນໃຈປະຕິບັດ ຢ່າງໃດຢ່າງໜຶ່ງຕາມຄວາມເໝາະສົມ.
Note 7
ການສົ່ງອອກສ່ວນໃຫຍ່ແລ້ວບໍ່ຈຳເປັນເສັຍພາສີ. ຫາກແຕ່ວ່າ, ສຳລັບສິນຄ້າບາງປະເພດກໍຕ້ອງໄດ້ເສຍພາສີຂາອອກຢູ່. ກະລຸນາ ກົດທີ່ນີ້ ເພື່ອກວດເບິ່ງວ່າສິນຄ້າໃດແດ່ທີ່ຕົກຢູ່ໃນຈໍາພວກທີ່ຕ້ອງໄດ້ເສຍພາສີຂາອອກ. ນອກຈາກນີ້ ອາດຈະໄດ້ເສຍອາກອນ ຫຼື ພັນທະອື່ນໆ ກໍເປັນໄດ້. ໃນປັດຈຸບັນການຈ່າຍພາສີຢູ່ທີ່ 11 ດ່ານດັ່ງກ່າວ ສາມາດຈ່າຍໄດ້ທັງຢູ່ທະນາຄານທີ່ຢູ່ກັບດ່ານ ຫຼື ວ່າຈ່າຍເປັນເງິນສົດກໍໄດ້. ທະນາຄານຈະອອກໃບ ຮັບເງິນເຊິ່ງຜູ້ສົ່ງອອກຈະຕ້ອງໄດ້ແຈ້ງຕໍ່ເຈົ້າໜ້າທີ່ພາສີ ກ່ອນສິນຄ້າຈະຖືກປ່ອຍອອກໄດ້.
| # | ຫົວຂໍ້ | ລາຍລະອຽດ | ອອກໂດຍ | ໄຟລ໌ |
|---|---|---|---|---|
| 1 | ໃບແຈ້ງພາສີ ເປັນລາຍລະອຽດ | ໃບແຈ້ງພາສີ | ກະຊວງ ການເງິນ |
| # | ຊື່ | ລາຍລະອຽດ | ປະເພດ ມາດຕະການ | ອົງກອນ | ຄຳເຫັນ | ນິຕິກໍາ | ສິ້ນສຸດ | ໝວດມາດຕະການ |
|---|
ກະລຸນາປະກອບຄວາມຄິດເຫັນຂອງທ່ານຂ້າງລຸ່ມນີ້ ແລະຊ່ວຍພວກເຮົາປັບປຸງເນື້ອຫາຂອງພວກເຮົາ.