ລິ້ງຂໍ້ມູນນີ້ແມ່ນເພື່ອແຈ້ງໃຫ້ຜູ້ອ່ານຊາບວ່າ ສູນຂໍ້ມູນຂ່າວສານທາງດ້ານການຄ້າ ຍັງບໍ່ທັນມີຂັ້ນຕອນຢ່າງເປັນທາງການສໍາລັບມາດຕະການນີ້.

ເຫດຜົນທີ່ຍັງບໍ່ທັນມີຂັ້ນຕອນຢ່າງເປັນທາງການມີດັ່ງນີ້:

  • ມາດຕະການແມ່ນຂໍ້ຮຽກຮ້ອງດ້ານນະໂຍບາຍທີ່ມີລັດສະນະກວມລວມ ຕົວຢ່າງ: ຄວາມຈຳເປັນໃນການລົງທະບຽນທຸລະກິດ ຫຼື ຄຳແນະນຳຕາມຈຸດກວດກາຂອງດ່ານຕ່າງໆໃນເວລານຳເຂົ້າສິນຄ້າ.
  • ເປັນມາດຕະການທີ່ລະບຸກ່ຽວກັບການເກັບຮັກສາສິນຄ້າ, ການຕິດສະຫຼາກ ຫຼື ການຂົນສົ່ງ ທີ່ບໍ່ກ່ຽວຂ້ອງກັບການຄ້າສາກົນໂດຍກົງ. ບຸກຄົນທີ່ກຳລັງເກັບຮັກສາສິນຄ້າ, ດໍາເນີນການ, ຂາຍ ຫຼື ຂົນສົ່ງສິນຄ້າເຫຼົ່ານີ້ຢູ່ພາຍໃນປະເທດ ຫຼື ຕ່າງປະເທດ ຕ້ອງໄດ້ປະຕິບັດຕາມກົດລະບຽບພາຍໃນເຫຼົ່ານີ້.
  • ເປັນມາດຕະການທີ່ລະບຸກ່ຽວກັບການປະສົມ, ການຕິດສະຫຼາກ, ການຂົນສົ່ງ, ການເກັບຮັກສາສິນຄ້າ ຫຼື ການບັນຊີທີ່ກ່ຽວຂ້ອງ ຫຼັງຈາກນໍາເຂົ້າສິນຄ້າມາໃນລາວເທົ່ານັ້ນ. ໃນພາກປະຕິບັດ, ຂໍ້ຮຽກຮ້ອງເຫຼົ່ານີ້ຈະມີຜົນບັງຄັບໃຊ້ສະເພາະເສດຖະກິດພາຍໃນ.
  • ເປັນມາດຕະການທີ່ບໍ່ຈະແຈ້ງ ເພາະຄຳສັບ ຊຶ່ງຜູ້ປະກອບການອາດຍັງບໍ່ສາມາດຮູ້ວ່າສິນຄ້າທີ່ນໍາເຂົ້າ ຫລື ສົ່ງອອກນັ້ນແມ່ນນອນໃນມາດຕະການ ຫຼື ບໍ່. ຕົວຢ່າງ:
  • ມາດຕະການທີ່ກວມເອົາ “ຜະລິດຕະພັນດ້ານວັດທະນະທຳຈາກຕ່າງປະເທດ” ຊຶ່ງຜະລິດຕະພັນດ້ານວັດທະນະທໍາຈາກຕ່າງປະເທດແມ່ນຫຍັງ?
  • “ແຜ່ນປ້າຍໂຄສະນາ”. ແຜ່ນປ້າຍໂຄສະນາແມ່ນຫຍັງ? ຂະໜາດເທົ່າໃດ? ມັນເປັນແຜ່ນເປົ່າ ຫຼື ແຜ່ນພິມ? ແຜ່ນປ້າຍໂຄສະນາມັນເຮັດມາຈາກວັດຖຸຫຍັງ?
  • ເປັນມາດຕະການທີ່ອະທີບາຍຂໍ້ຮຽກຮ້ອງໂດຍລວມ ທີ່ອາດຖືກນໍາໃຊ້ກັບສິນຄ້າໃດໜຶ່ງ ຊຶ່ງຂຶ້ນກັບການຊົມໃຊ້, ຄໍາເຫັນ, ຫຼື ລະບຽບການຂອງບຸກຄົນທີ່ສາມ ເຊັ່ນ: ສານ, ອົງການການຄ້າ, ພະແນກຕາງໜ້າຈາກລັດຖະບານ ຫຼື ເຈົ້າຂອງທີ່ຈົດທະບຽນຊັບສິນທາງປັນຍາ ຫຼື ເຄື່ອງຫມາຍການຄ້າ. ໃນສະພາບແບບນີ້, ມັນບໍ່ສົມເຫດສົມຜົນທີ່ຜູ້ປະກອບການຕ້ອງຮູ້ວ່າສິນຄ້າຂອງຕົນນອນໃນມາດຕະການນີ້, ເວັ້ນເສຍວ່າ ອົງການທີ່ກ່ຽວຂ້ອງໄດ້ກຳນົດລະຫັດອັດຕາພາສີ ຫຼື ລະຫັດ HS ສະເພາະ ແລະ ໄດ້ແຈ້ງໃຫ້ສາທາລະນະຊົນຊາບຢ່າງເປັນທາງການ.
ແບບຟອມ
# ຫົວຂໍ້ ລາຍລະອຽດ ອອກໂດຍ ໄຟລ໌
ມາດຕະການ
# ຊື່ ລາຍລະອຽດ ປະເພດ ມາດຕະການ ອົງກອນ ຄຳເຫັນ ນິຕິກໍາ ສິ້ນສຸດ ໝວດມາດຕະການ
1 ຮຽກຮ້ອງໃຫ້ກວດກາອາຫານນຳເຂົ້າ ການນໍາເຂົ້າອາຫານ ຕ້ອງໄດ້ຮັບການກວດກາ ໂດຍຫຼັກ ການປະເມີນຄວາມສ່ຽງ ຈາກເຈົ້າ ໜ້າທີ່ອາຫານ ແລະ ຢາ ປະຈໍາດ່ານ. ຮຽກ​ຮ້ອງ​ໃຫ້​ມີ​ການກວດ​ກາ ກະຊວງ ສາທາລະນະສຸກ ເພື່ອຮັບປະກັນຄຸນນະພາບ ແລະ ຄວາມປອດໄພຂອງສິນຄ້າ ຕໍ່ຜູ້ບໍລິໂພກ ຂໍ້ຕົກລົງ ວ່າດ້ວຍ ການກວດກາອາຫານ ເລກທີ 297/ກຊສ 9999-12-31 ສິນຄ້າ
2 ຄ່າອາກອນສິ່ງແວດລ້ອມ ອາກອນສິ່ງແວດລ້ອມ ແມ່ນເກັບຈາກການດໍາເນີນທຸລະກິດ, ນໍາເຂົ້າ ຫຼື ນໍາໃຊ້ສິນຄ້າ, ຊັບພະຍາກອນ ທໍາມະຊາດ ຢູ່ ສປປ ລາວ ຊຶ່ງກໍ່ໃຫ້ເກີດມົນລະພິດຕໍ່ສິ່ງແວດລ້ອມ, ມີຄວາມສ່ຽງ, ສ້າງຄວາມເສຍຫາຍ ຕໍ່ສຸຂະພາບ, ຊີວິດຂອງຄົນ, ສັດ, ພືດ ແລະ ຄວາມດຸ່ນດ່ຽງຂອງລະບົບນິເວດ. ພັນທະທີ່ຕ້ອງຈ່າຍ ກະຊວງ ການເງິນ ເພື່ອເກັບລາຍຮັບເຂົ້າງົບປະມານລັດ ເພື່ອໃຊ້ຈ່າຍເຂົ້າໃນການປົກປັກຮັກສາສິ່ງແວດລ້ອມ ແລະ ເພື່ອປົກປ້ອງຊີວິດຂອງຄົນ, ສັດ, ຫຼື ພຶດ. ກົດໝາຍ ວ່າດ້ວຍ ການຄຸ້ມຄອງສ່ວຍສາອາກອນ (ສະບັບປັບປຸງ) ເລກທີ 66/ສພຊ, ລົງວັນທີ 17 ມິຖຸນາ 2019 9999-12-31 ສິນຄ້າ
3 ຄ່າບໍລິການ - ອອກໃບອະນຸຍາດນຳເຂົ້າ ອຸປະກອນ ແລະ ເຄື່ອງຫຼີ້ນເກມການພະນັນຕ່າງໆ "ຄ່າບໍລິການອອກໃບອະນຸຍາດນໍາເຂົ້າອຸປະກອນ ແລະ ເຄື່ອງຫຼິ້ນເກມການພະນັນ ແລະ ນໍາໃຊ້ຢູ່ ກາຊິໂນ ແມ່ນ: - ໄພ້, ອຸປະກອນ, ອາໄຫຼ່ ທີ່ຮັບໃຊ້ເກມ, ກາຊິໂນ ແມ່ນ 2,000,000 ກີບ/ຄັ້ງ - ເກມສະລັອດ ແມ່ນ 500,000 ກີບ/ເຄື່ອງ - ເກມໂລເລັກ ແມ່ນ 1,000,000 ກີບ/ເຄື່ອງ" ພັນທະທີ່ຕ້ອງຈ່າຍ ກະຊວງ ຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ ເພື່ອເກັບລາຍຮັບເຂົ້າງົບປະມານລັດ ລັດຖະບັນຍັດ ຂອງປະທານປະເທດ ວ່າດ້ວຍ ຄ່າທຳນຽມ ແລະ ຄ່າບໍລິການ, ສະບັບເລກທີ 002/ປປທ, ລົງວັນທີ 17 ມິຖຸນາ 2021 9999-12-31 ສິນຄ້າ
4 ການປຸງແຕ່ງ ແລະ ຜະລິດອາຫານທີ່ປອດໄພ - ອາຫານ ອາຫານທຸກປະເພດທີ່ນຳເຂົ້າສປປ ລາວ ຈະຕ້ອງປະຕິບັດຕາມເງື່ອນໄຂຄວາມປອດໄພຂອງການຄຸ້ມຄອງອາຫານທີ່ລະບຸຢູ່ໃນກົດໝາຍວ່າດ້ວຍອາຫານ ແລະ ລະບຽບຫຼັກການອື່ນໆ SPS ກະຊວງ ສາທາລະນະສຸກ ເພື່ອປົກປັກຮັກສາສຸຂະພາບຂອງຜູ້ບໍລິໂພກ ຂໍ້ຕົກລົງ ວ່າດ້ວຍ ການຄຸ້ມຄອງການຜະລິດ, ສົ່ງອອກ-ນໍາເຂົ້າ ອາຫານທີ່ປອດໄພ ເລກທີ 856/ກຊສ, ລົງວັນທີ 12 ພຶດສະພາ 2006 9999-12-31 ສິນຄ້າ
5 ຄ່າທໍານຽມ - ອອກໃບອະນຸຍາດນໍາເຂົ້າຜະລິດຕະພັນສື່ມວນຊົນ, ໜັງສືພິມ, ການວາລະສານ ຄ່າທໍານຽມອອກໃບອະນຸຍາດນໍາເຂົ້າຜະລິດຕະພັນສື່ມວນຊົນ, ໜັງສືພິມ, ການວາລະສານ ແມ່ນ 100,000 ກີບ/ຄັ້ງ ພັນທະທີ່ຕ້ອງຈ່າຍ ກະຊວງ ຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ ເພື່ອເກັບລາຍຮັບເຂົ້າງົບປະມານລັດ ລັດຖະບັນຍັດ ຂອງປະທານປະເທດ ວ່າດ້ວຍ ຄ່າທຳນຽມ ແລະ ຄ່າບໍລິການ, ສະບັບເລກທີ 002/ປປທ, ລົງວັນທີ 17 ມິຖຸນາ 2021 9999-12-31 ສິນຄ້າ
6 ຕ້ອງຕິດສະຫຼາກ - ເຄມີທີ່ມີຄວາມອັນຕະລາຍທີ່ນຳໃຊ້ໃນອຸດສາຫະກຳ ເຄມີທີ່ມີຄວາມອັນຕະລາຍນໍາເຂົ້າ ທີ່ນຳໃຊ້ໃນອຸດສາຫະກຳຕ້ອງ ໄດ້ຮັບການຕິດສະຫຼາກ ຕາມທີ່ລະບຸໄວ້ໂດຍກົມອຸດສາຫະກຳ ແລະ ຫັດຖະກຳ, ກະຊວງ ອຄ TBT ກະຊວງ ອຸດສາຫະກຳ ແລະ ການຄ້າ ເພື່ອປົກປ້ອງສຸຂະພາບ, ຄວາມປອດໄພຂອງຄົນ ແລະ ສິ່ງແວດລ້ອມ ກົດໝາຍ ວ່າດ້ວຍ ການຄຸ້ມຄອງເຄມີ ສະບັບເລກທີ 07/ສພຊ, ລົງວັນທີ 10 ພະຈິກ 2016 9999-12-31 ສິນຄ້າ
7 ການເກັບຮັກສາ ແລະ ການຂົນສົ່ງ - ເຄມີທີ່ມີຄວາມອັນຕະລາຍທີ່ນຳໃຊ້ໃນອຸດສາຫະກຳ ເຄມີທີ່ມີຄວາມອັນຕະລາຍນໍາເຂົ້າ ທີ່ນຳໃຊ້ໃນອຸດສາຫະກຳຕ້ອງ ເກັບຮັກສາມ້ຽນໄວ້ໃນສາງ ແລະ ຂົນສົ່ງ ຕາມທີ່ລະບຸໄວ້ໂດຍກົມອຸດສາຫະກຳ ແລະ ຫັດຖະກຳ, ກະຊວງ ອຄ TBT ກະຊວງ ອຸດສາຫະກຳ ແລະ ການຄ້າ ເພື່ອປົກປ້ອງສຸຂະພາບ, ຄວາມປອດໄພຂອງຄົນ ແລະ ສິ່ງແວດລ້ອມ ກົດໝາຍ ວ່າດ້ວຍ ການຄຸ້ມຄອງເຄມີ ສະບັບເລກທີ 07/ສພຊ, ລົງວັນທີ 10 ພະຈິກ 2016 9999-12-31 ສິນຄ້າ
8 ຕ້ອງຈົດທະບຽນການສົ່ງອອກຝຸ່ນ ການສົ່ງອອກຢາຝຸ່ນ ຕ້ອງໄດ້ຈົດທະບຽນກັບກົມປູກຝັງ, ກະຊວງກະ ສິກຳ ແລະ ປ່າໄມ້. ​ຮຽກ​ຮ້​ອງ​ໃຫ້​ມີ​ການ​ຈົດ​ທ​ະບຽນ ກະຊວງ ກະສິກຳ ແລະ ປ່າໄມ້ ເພື່ອຄຸ້ມຄອງ ແລະ ກວດກາ ຂໍ້ຕົກລົງ ຂອງລັດຖະມົນຕີ ວ່າດ້ວຍ ການຄຸ້ມຄອງຝຸ່ນ ໃນ ສປປ ລາວ ເລກທີ 2169/ກປ, ລົງວັນທີ 24 ຕຸລາ 2013 9999-12-31 ສິນຄ້າ
9 ຕ້ອງໄດ້ຮັບອະນຸຍາດນຳເຂົ້າຜະລິດຕະພັນວັດທະນະທຳຈາກຕ່າງປະເທດ ການນຳເຂົ້າຜະລິດຕະພັນວັດທະນະທຳ ໂດຍສະເພາະພະພຸດທະຮູບຈາກຕ່າງປະເທດ ຕ້ອງໄດ້ຮັບອະນຸ ຍາດນຳເຂົ້າຈາກກົມມໍລະດົກ ໂດຍການປະສານສົມທົບກັບກົມວິຈິດສິນ, ກະຊວງ ຖວທ ຕ້ອງມີໃບອະນຸຍາດ ກະຊວງ ຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ ເພື່ອປົກປ້ອງຮີດຄອງປະເພນີອັນດີງານ ແລະ ວັດທະນະທຳຂອງຊາດ ກົດໝາຍ ວ່າດ້ວຍມໍຣະດົກແຫ່ງຊາດ ເລກທີ 11/ສພຊ, ລົງວັນທີ 16 ພະຈິກ 2021 9999-12-31 ສິນຄ້າ
10 ຮຽກຮ້ອງໃຫ້ມີການຂໍອະນຸຍາດນຳເຂົາ - ເຄື່ອງຫຼິ້ນເກມ ເຄື່ອງຫຼີ້ນເກມ ເຊັ່ນ: ສະລ໋ອດແມັກຊີນ ແລະ ເຄື່ອງພະນັນອື່ນໆ ທີ່ນຳໃຊ້ໃນກາຊິໂນ ຕ້ອງໄດ້ຂໍອະນຸຍາດນຳເຂົ້າກັບກົມວັດທະນະທຳມະຫາຊົນ, ກະຊວງ ຖວທ ຕ້ອງມີໃບອະນຸຍາດ ກະຊວງ ຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ ເພື່ອຄຸ້ມຄອງການນຳເຂົ້າສິນຄ້າຟຸມເຟືອຍ ທີ່ມີຜົນກະທົບຕໍ່ເສດຖະກິດ ແລະ ແບບແຜນດຳລົງຊີວິດຂອງປະຊາຊົນລາວບັນດາເຜົ່າ, ພ້ອມທັງທາງກວດກາຮູບແບບເນື້ອໃນຂອງບັນດາເກມຫຼິ້ນທີ່ນຳເຂົ້າມາໃຫ້ຮັບປະກັນຄວາມສອດຄ່ອງທາງດ້ານວັດທະນະທຳ, ປະເພນີ, ບໍ່ໃຫ້ມີຜົນກະທົບຕໍ່ຈິດໃຈ ແລະ ຄວາມຮຸນແຮງຂອງສັງຄົມ ຂໍ້ກຳນົດ ຂອງ ລັດຖະມົນຕີວ່າການກະຊວງຖະແຫລງຂ່າວ ແລະ ວັດທະນະທຳ ວ່າດ້ວຍການຄຸ້ມຄອງ ແລະ ກວດກາ, ອະນຸຍາດ ຫລິ້ນເກມທຸກປະເພດຢູ່ ສ.ປ.ປ.ລາວ, ເລກທີ 664 /ຖວທ, ວັນທີ 22 ເດືອນ 10 ປີ 2003 9999-12-31 ສິນຄ້າ
11 ຕ້ອງໄດ້ຮັບອະນຸຍາດນຳເຂົ້າສື່ສິ່ງພິມ ສື່ສິ່ງພິມ ຕ້ອງໄດ້ຮັບອະນຸຍາດນຳເຂົ້າຈາກ ກົມສື່ມວນຊົນ, ກະຊວງ ຖວທ ຕ້ອງມີໃບອະນຸຍາດ ກະຊວງ ຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ ເພື່ອຮັກສາວັດທະນາທຳ ແລະ ຮີດຄອງປະເພນີຂອງຊາດ ໂດຍການຄຸ້ມຄອງ ແລະ ກວດກາດ້ານເຕັກນິກ ແລະ ເນື້ອໃນຂອງຜະລິດຕະພັນສື່ທີ່ນຳເຂົ້າມາ ກົດໝາຍ ວ່າດ້ວຍ ສື່ມວນຊົນ (ສະບັບປັບປຸງ) ເລກທີ 01/ສພຊ, ລົງວັນທີ 04 ພະຈິກ 2016 9999-12-31 ສິນຄ້າ
12 ຕ້ອງຂົນສົ່ງ ແລະ ເກັບຮັກສາເຄື່ອງດື່ມທີ່ມີທາດເຫຼົ້າ ເຄື່ອງດື່ມທີ່ມີທາດເຫຼົ້າທີ່ນຳເຂົ້າຕ້ອງເກັບຮັກສາ ແລະ ຂົນສົ່ງ ຕາມທີ່ກຳນົດໂດຍກະຊວງສາທາລະນະສຸກ TBT ກະຊວງ ສາທາລະນະສຸກ ເພື່ອປົກປ້ອງຊີວິດ ແລະ ສຸຂະພາບຂອງຄົນ ກົດໝາຍ ວ່າດ້ວຍ ການຄວບຄຸມເຄື່ອງດື່ມທີ່ມີທາດເຫຼົ້າ ສະບັບ ເລກທີ 54/ສພຊ, ລົງວັນທີ 19 ທັນວາ 2014 9999-12-31 ສິນຄ້າ
13 ຕ້ອງໄດ້ຂໍອະນຸຍາດນຳເຂົ້າປ້າຍໂຄສະນາ ປ້າຍໂຄສະນາສຳເລັດຮູບທີ່ນຳເຂົ້າຈາກຕ່າງປະເທດ ຕ້ອງໄດ້ຮັບອະນຸມັດຈາກກົມວັດທະນະທຳມະຫາຊົນ, ກະຊວງຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ ຫຼື ພະແນກ ຖວທ ແຂວງ, ນະຄອນຫຼວງ ຕ້ອງມີໃບອະນຸຍາດ ກະຊວງ ຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ ເພື່ອຮັກສາວັດທະນະທຳ ແລະ ການນຳໃຊ້ພາສາລາວ, ຮູບພາບໃນການໂຄສະນາ ແລະ ຕົບແຕ່ງປ້າຍຕ່າງໆໃຫ້ຖືກຕ້ອງສອດຄ່ອງ ແລະ ຈົບງາມ ກົດໝາຍ ວ່າດ້ວຍ ປ້າຍ ເລກທີ 50/ສພຊ, ລົງວັນທີ 21 ມິຖຸນາ 2018 9999-12-31 ສິນຄ້າ
14 ຮຽກຮ້ອງໃຫ້ມີການຈົດທະບຽນບໍລິສັດທີ່ຕ້ອງການນຳເຂົ້ານ້ຳອາຍແກ໊ສ ກ່ອນຈະຖືກອານຸຍາດໃຫ້ນຳເຂົ້າອາຍແກ໊ສບໍລິສັດທີ່ຕ້ອງການນຳເຂົ້າຕ້ອງໄດ້ປະກອບເອກະສານໄປຫາກະຊວງອຸດສາຫະກຳ ແລະ ການຄ້າ (ກົມການຄ້າພາຍໃນ) ເພື່ອຈະໄດ້ຮັບການພິຈາລະນາວ່າບໍລິສັດດັ່ງກ່າວມີເງື່ອນໄຂຕາມລະບຽບບໍ ເພື່ອຈະອອກໃບຢັ້ງຢືນໃຫ້ ​ຮຽກ​ຮ້​ອງ​ໃຫ້​ມີ​ການ​ຈົດ​ທ​ະບຽນ ກະຊວງ ອຸດສາຫະກຳ ແລະ ການຄ້າ ເພື່ອສະດວກໃນການຄວບຄຸມ ແລະ ປົກປ້ອງຜົນປະໂຫຍດຂອງຊາດ ແລະ ຜູ້ຊົນໃຊ້ ຂໍ້ກໍານົດ ວ່າດ້ວຍ ການຄຸ້ມຄອງ ການນໍາເຂົ້າ ແລະ ຈໍາໜ່າຍ ແກັສຫຸງຕົ້ມ ເລກທີ 0756/ກຄ.ພນ 9999-12-31 ສິນຄ້າ
15 ຕ້ອງຕິດສະຫຼາກສິນຄ້ານຳເຂົ້າ ທຸກສິນຄ້ານຳເຂົ້າຕ້ອງໄດ້ຮັບການຕິດສະຫຼາກ ເປັນພາສາລາວ ຍົກເວັນສິນຄ້າທີ່ລະບຸ ໄວ້ໃນຂໍ້ 4 ຂອງຄຳສັ່ງສະບັບນີ້ ດັ່ງຕໍ່ໄປນີ້: 1)ສິນຄ້າຂາອອກຕໍ່, ຜ່ານແດນ ແລະ ວາງສະແດງ; 2) ຂອງຂວັນ ແລະ ຂອງຕ້ອນ; 3) ອາຫານສົດ ແລະ ອາຫານປຸງແຕ່ງທີ່ບໍ່ໄດ້ຫຸ້ມຫໍ່ ແລະ ຂາຍໃຫ້ ຜູ່ຊົມໃຊ້ໂດຍກົງ; ແລະ 4) ສິນຄ້າທີ່ເປັນວັດຖຸດິບ ທີ່ບໍ່ໄດ້ຫຸ້ມຫໍ່ທີ່ສະໜອງໃຫ້ແກ່ການຜະລິດອຸດສາຫະກຳ. TBT ກະຊວງ ອຸດສາຫະກຳ ແລະ ການຄ້າ ເພື່ອຮັບປະກັນວ່າຜູ່ຊົມໃຊ້ເຂົ້າໃຈສັບພະຄຸນ ແລະ ຄຸນນະພາບຂອງສິນຄ້າ ຄໍາສັ່ງ ຂອງລັດຖະມົນຕີວ່າການ ກະຊວງອຸດສາຫະກໍາ ແລະ ການຄ້າ ກ່ຽວກັບ ການຕິດສະຫຼາກສິນຄ້າ ເປັນພາສາລາວ ສະບັບເລກທີ 2501/ອຄ. ຄພນ, ລົງວັນທີ 16 ທັນວາ 2015 9999-12-31 ສິນຄ້າ
16 ຕ້ອງໄດ້ຂໍອະນຸຍາດສົ່ງອອກປ້າຍໂຄສະນາ ປ້າຍໂຄສະນາທີ່ສົ່ງອອກໄປຕ່າງປະເທດ ຕ້ອງໄດ້ຮັບອະນຸມັດຈາກກົມວັດທະນະທຳມະຫາຊົນ, ກະຊວງຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ ຫຼື ພະແນກ ຖວທ ແຂວງ, ນະຄອນຫຼວງ ຕ້ອງມີໃບອະນຸຍາດ ກະຊວງ ຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ ເພື່ອຮັກສາວັດທະນະທຳ ແລະ ການນຳໃຊ້ພາສາລາວ, ຮູບພາບໃນການໂຄສະນາ ແລະ ຕົບແຕ່ງປ້າຍຕ່າງໆໃຫ້ຖືກຕ້ອງສອດຄ່ອງ ແລະ ຈົບງາມ ກົດໝາຍ ວ່າດ້ວຍ ປ້າຍ ເລກທີ 50/ສພຊ, ລົງວັນທີ 21 ມິຖຸນາ 2018 9999-12-31 ສິນຄ້າ
Step-by-Step Guide
# Process name Process short name ການດໍາເນີນການດ້ານການຄ້າ
ທ່ານຄິດວ່າຂໍ້ມູນນີ້ມີປະໂຫຍດບໍ່?
ກະລຸນາປະກອບຄວາມຄິດເຫັນຂອງທ່ານຂ້າງລຸ່ມນີ້ ແລະຊ່ວຍພວກເຮົາປັບປຸງເນື້ອຫາຂອງພວກເຮົາ.