ລາຍການສິນຄ້າທີ່ນອນໃນຂັ້ນຕອນນີ້ແມ່ນຖືກເກືອດຫ້າມ. ຊຶ່ງໝາຍຄວາມວ່າການຂໍອະນຸຍາດນຳເຂົ້າ ຫຼື ສົ່ງອອກສິນຄ້າເຫຼົ່ານີ້ແມ່ນຈະຖືກພິຈາລະນາຕ່າງຫາກຕາມດຸມພິນິດຂອງມັນ ໂດຍຈະບໍ່ມີການອອກອະນຸຍາດແບບອັດຕະໂນມັດໃຫ້ສິນຄ້າທີ່ຖືກເກືອດຫ້າມ
ມາດຕະການ
ການສະແດງຜົນ 1 ຫາ 9 ຈາກທັງໝົດ 9 ລາຍການ
| # | ຊື່ | ລາຍລະອຽດ | ປະເພດ ມາດຕະການ | ອົງກອນ | ຄຳເຫັນ | ນິຕິກໍາ | ສິ້ນສຸດ | ໝວດມາດຕະການ |
|---|---|---|---|---|---|---|---|---|
| 1 | ຕ້ອງຂໍອະນຸຍາດນໍາເຂົ້າ - ອາວຸດເສິກ | ການນຳເອົາອາວຸດເສິກ ເຂົ້າ ສປປ ລາວ ຂອງຕ່າງປະເທດ ເພື່ອປ້ອງກັນການນໍາ ທີ່ມາເຄື່ອນໄຫວ,ຢ້ຽມຢາມ, ເຮັດວຽກ, ເຂົ້າຮ່ວມກອງປະຊຸມ, ວາງສະແດງ, ຝຶກຊ້ອມ ຫຼື ກິດຈະກໍາອື່ນ ຕ້ອງສະເໜີຜ່ານກະຊວງການຕ່າງປະເທດ ເພື່ອນໍາສະເໜີຕໍ່ກະຊວງປ້ອງກັນປະເທດ ພິຈາລະນາອະນຸຍາດ ບົນພື້ນຖານການປະສານສົມທົບກັບກະຊວງປ້ອງກັນຄວາມສະຫງົບ ໃນການກວດກາບັນຊີ ແລະ ອາວຸດເສິກຕົວຈິງ ກ່ອນນຳເຂົ້າ ສປປ ລາວ. | ສິນຄ້າເກືອດຫ້າມ | ກະຊວງ ປ້ອງກັນປະເທດ | ເພື່ອຄວາມສະຫງົບ ແລະ ຄວາມ ໝັ້ນຄົງຂອງຊາດ. | ກົດໝາຍ ວ່າດ້ວຍການຄຸ້ມຄອງ ອາວຸດ ແລະ ວັດຖຸລະເບີດ, ເລກທີ 14/ສພຊ, ລົງວັນທີ 7 ກໍລະກົດ 2022. | 9999-12-31 | ສິນຄ້າ |
| 2 | ການເກືອດຫ້າມ ການສົ່ງອອກ: ວັດຖຸບູຮານທີ່ເກົ່າແກ່ | ວັດຖຸບູຮານທີ່ເກົ່າແກ່, ລວມທັງພະພຸດທະຮູບ, ເທວະຮູບ ແລະ ສິ່ງສັກກາລະບູຊາ, ວັດຖຸມໍລະ ດົກແຫ່ງຊາດ ທີ່ມີຄຸນຄ່າສູງ ທາງດ້ານປະຫວັດສາດ ບູຮານຄະດີ ແລະ ວັດທະນະທຳເຊິ່ງມີອາ ຍຸແຕ່ 50 ປີ ຂື້ນໄປ ແມ່ນຫ້າມສົ່ງອອກ. ໃນກໍລະນີມີຄວາມຈຳເປັນສົ່ງອອກ, ຜູ້ສົ່ງອອກ ຕ້ອງຍື່ນຄຳຮ້ອງຫາ ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ເພື່ອພິຈາລະນາ ແລະ ນຳສະເໜີຫາ ລັດຖະບານຂອງ ສປປ ລາວ ອະນຸມັດ. | ສິນຄ້າເກືອດຫ້າມ | ກະຊວງ ຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ | ເພື່ອຮັກສາມູນມໍລະດົກ ແຫ່ງຊາດ ທາງດ້ານສິນລະປະ ວັດທະນະທຳ | ລັດຖະບັນຍັດ ຂອງປະທານປະເທດ ວ່າດ້ວຍ ການອະນຸລັກ ມໍລະດົກແຫ່ງຊາດ ທາງດ້ານວັດທະນະທຳ, ປະຫວັດສາດ ແລະ ທຳມະຊາດ ເລກທີ 03/ປທທ | 9999-12-31 | ສິນຄ້າ |
| 3 | ການເກືອດຫ້າມ ການສົ່ງອອກ ຂີ້ເຈຍ | ຫ້າມອົງການຈັດຕັ້ງຂອງລັດ, ລວມຫມູ່, ເອກະຊົນ, ລັດວິສາຫະກິດ ສົ່ງຂີ້ເຈຍອອກຂາຍຕ່າງປະເທດຖ້າທ້ອງຖິ່ນ, ກົມກອງ, ຫົວຫນ່ວຍທຸລະກິດໃດ ຫາກຂຸດຄົ້ນຂີ້ເຈຍ ອອກຂາຍຕ່າງປະເທດ ໃຫ້ຢຸດ ເຊົານັບແຕ່ມື້ໄດ້ຮັບຄຳສັ່ງແນະນຳສະບັບນີ້ ກໍລະນີຂຸດຄົ້ນມາໄວ້ແລ້ວໃນສາງ ກໍ່ໃຫ້ນຳໄປບໍລິການ ຮັບໃຊ້ການຜະລິດ ກະສິກຳ ຢູ່ພາຍໃນປະເທດ | ສິນຄ້າເກືອດຫ້າມ | ກະຊວງ ກະສິກຳ ແລະ ປ່າໄມ້ | ເພື່ອຮັກສາຊັບພະຍາກອນທຳມະຊາດ ແລະ ເພື່ອມາຮັບໃຊ້ການຊົມໃຊ້ ແລະ ການຜະລິດພາຍໃນປະເທດ ແນໃສ່ປັບປຸງຄຸນນະພາບຂອງ ຝຸ່ນຊີວະພາບ | ຄຳສັ່ງ ຂອງລັດຖະມົນຕີວ່າການ ກະຊວງກະສິກຳ ແລະ ປ່າໄມ້ ວ່າດ້ວຍ ການຄຸ້ມຄອງ ແລະ ນຳໃຊ້ ຂີ້ເຈຍ ຢູ່ພາຍໃນປະເທດ ເລກທີ 0613/ກປ.05 | 9999-12-31 | ສິນຄ້າ |
| 4 | ການເກືອດຫ້າມ ການນຳເຂົ້າ: ເຈ້ຍພິມເງິນ, ນໍ້າມຶກສຳລັບພິມເງິນ | ເຈ້ຍພິມເງິນ, ນໍ້າມຶກສຳລັບພິມເງິນ, ເຄື່ອງຈັກ ພິມເງິນ ແລະ ເຄື່ອງຈັກຫຼອມເງິນຫຼຽນ ແມ່ນສິນຄ້າເກືອດຫ້າມນຳເຂົ້າ | ສິນຄ້າເກືອດຫ້າມ | ທະນາຄານແຫ່ງ ສປປ ລາວ | ເພື່ອຄວາມໝັ້ນຄົງທາງດ້ານເສດຖະກິດເງິນຕາ | ກົດໝາຍ ວ່າດ້ວຍ ທະນາຄານແຫ່ງ ສປປ ລາວ (ສະບັບປັບປຸງ) ເລກທີ 47/ສພຊ, ລົງວັນທີ 19 ມິຖຸນາ 2018 | 9999-12-31 | ສິນຄ້າ |
| 5 | ເກືອດຫ້າມການນຳເຂົ້າ ຢາເສບຕິດ | ປະເພດ ຢາເສບຕິດ ເຊັ່ນ: ໄຮໂລອິນ,ໂຄເຄນ, ຢາອີ, ຢາບ້າ,ຢາໄອສ, ເຄຕາມິນ, ຝິ່ນ, ຄັນຊາ ແລະ ຢາເສບຕິດອື່ນໆ ຕາມທີ່ກຳນົດໄວ້ໃນເອກະສານສະເພາະ ແມ່ນຫ້າມນຳເຂົ້າ ຜ່ານ ສປປ ລາວ | ສິນຄ້າເກືອດຫ້າມ | ກະຊວງ ປ້ອງກັນຄວາມສະຫງົບ | ເພື່ອຄວາມສະຫງົບ, ຄວາມເປັນລະບຽບຂອງສັງຄົມ ແລະ ຄວາມໝັ້ນຄົງຂອງຊາດ | ກົດໝາຍ ວ່າດ້ວຍ ຢາເສບຕິດ ເລກທີ 10/ສພຊ, ລົງວັນທີ 25 ທັນວາ 2007 | 9999-12-31 | ສິນຄ້າ |
| 6 | ການເກືອດຫ້າມນຳເຂົ້າ: ເຄມີ ທີ່ມີຄວາມອັນຕະລາຍສູງ ທີ່ນຳໃຊ້ໃນອຸດສາຫະກຳ (ປະເພດ 1) | ຫ້າມນຳເຂົ້າເຄມີ ທີ່ມີຄວາມອັນຕະລາຍສູງ ທີ່ນຳໃຊ້ໃນອຸດສາຫະກຳ, ຍົກເວັ້ນໄດ້ອະນຸຍາດຈາກລັດຖະບານ. ໃນກໍລະນີມີຄວາມຈຳເປັນນຳເຂົ້າ ສິນຄ້າດັ່ງກ່າວ, ຜູ້ນຳເຂົ້າ ສາມາດຍື່ນເອກະສານໃຫ້ ກົມອຸດສາຫະກຳ ແລະ ຫັດຖະກຳ, ກະຊວງ ອຄ | ສິນຄ້າເກືອດຫ້າມ | ກະຊວງ ອຸດສາຫະກຳ ແລະ ການຄ້າ | ເພື່ອປົກປ້ອງສຸຂະພາບ, ຄວາມປອດໄພຂອງຄົນ ແລະ ສິ່ງແວດລ້ອມ | ກົດໝາຍ ວ່າດ້ວຍ ການຄຸ້ມຄອງເຄມີ ສະບັບເລກທີ 07/ສພຊ, ລົງວັນທີ 10 ພະຈິກ 2016 | 9999-12-31 | ສິນຄ້າ |
| 7 | ການເກືອດຫ້າມນຳເຂົ້າ - ເຄື່ອງມືຫາປາແບບດັບສູນ | ຫ້າມນຳເຂົ້າ ເຄື່ອງມືຫາປາແບບດັບສູນ, 1. ໃນກໍລະນີມີຄວາມຈຳເປັນນຳເຂົ້າ ເຄື່ອງມືຫາປາແບບດັບສູນ, ຜູ້ນຳເຂົ້າ ຕ້ອງຍື່ນຄຳຮ້ອງຫາ ກະຊວງກະສິກຳ ແລະ ປ່າໄມ້ ເພື່ອພິຈາລະນາ ແລະ ນຳສະເໜີຫາລັດຖະບານຂອງ ສປປ ລາວ ອະນຸມັດ. 2. ຖ້າຫາກໃນກໍລະນີ ນໍາເຂົ້າມາວາງຂາຍທົ່ວໄປ ຕາມທ້ອງຕະຫລາດ ແມ່ນຖືວ່າມີຄວາມຜິດ | ສິນຄ້າເກືອດຫ້າມ | ກະຊວງ ກະສິກຳ ແລະ ປ່າໄມ້ | ເພື່ອການອະນຸລັກ, ການປົກປັກຮັກສາ, ການພັດທະນາ ແລະ ນໍາໃຊ້ສັດນໍ້າແບບຍືນຍົງ | ກົດໝາຍ ວ່າດ້ວຍ ການປະມົງ ເລກທີ 03/ສພຊ, ລົງວັນທີ 09 ກໍລະກົດ 2009 | 9999-12-31 | ສິນຄ້າ |
| 8 | ຫ້າມສົ່ງອອກຊັບພະຍາກອນທຳມະຊາດທີ່ເປັນຢາທີ່ເປັນວັດຖຸດິບ | ຊັບພະຍາກອນທຳມະຊາດທີ່ເປັນຢາທີ່ເປັນວັດຖຸດິບ ແມ່ນຫ້າມສົ່ງອອກ. | ສິນຄ້າເກືອດຫ້າມ | ກະຊວງ ສາທາລະນະສຸກ | ເພື່ອການປົກປ້ອງ ແລະ ຮັກສາຄວາມຍືນຍົງຂອງຊັບພະຍາກອນທຳມະຊາດ | ຄຳສັ່ງແນະນຳ ວ່າດ້ວຍ ການຈັດຕັ້ງປະຕິບັດ ດຳລັດ ຂອງ ນາຍົກລັດຖະມົນຕີ ກ່ຽວກັບ ຊັບພະຍາກອນທຳມະຊາດ ທີ່ເປັນຢາ ເລກທີ 252/ກຊສ | 9999-12-31 | ສິນຄ້າ |
| 9 | ຫ້າມສົ່ງອອກໄມ້ທ່ອນ, ຕໍໄມ້, ຕູດໄມ້, ໄມ້ແປຮູບ | ຫ້າມສົ່ງອອກໄມ້ທ່ອນ, ໄມ້ຕີຕັບ, ໄມ້ແປຮູບ, ໄມ້ຊອຍ, ຮາກໄມ້ ຫືຼ ເຫງົ້າໄມ້, ຕໍໄມ້, ປູດໄມ້, ງ່າໄມ້ ແລະ ໄມ້ຢືນຕົ້ນ ຫຼື ໄມ້ປະດັບ ຈາກປ່າທໍາມະຊາດ | ສິນຄ້າເກືອດຫ້າມ | ກະຊວງ ອຸດສາຫະກຳ ແລະ ການຄ້າ | ເພື່ອສົ່ງເສີມອຸດສາຫະກຳປຸງແຕ່ງໄມ້ ເພື່ອສ້າງມູນຄ່າເພີ່ມຂອງສິນຄ້າ, ແນໃສ່ປົກປັກຮັກສາຊັບພະຍາກອນປ່າໄມ້ໃຫ້ມີຄວາມອຸດົມສົມບູນ | ຄຳສັ່ງ ວ່າດ້ວຍ ການເພີ່ມທະວີຄວາມເຂັ້ມງວດ ໃນການຄຸ້ມຄອງ ແລະ ກວດກາ ການຂຸດຄົ້ນໄມ້, ເຄື່ອນຍ້າຍໄມ້ ແລະ ທຸລະກິດໄມ້ ສະບັບ ເລກທີ 15/ນຍ, ລົງວັນທີ 13 ພຶດສະພາ 2016 | 9999-12-31 | ສິນຄ້າ |
ທ່ານຄິດວ່າຂໍ້ມູນນີ້ມີປະໂຫຍດບໍ່?
ກະລຸນາປະກອບຄວາມຄິດເຫັນຂອງທ່ານຂ້າງລຸ່ມນີ້ ແລະຊ່ວຍພວກເຮົາປັບປຸງເນື້ອຫາຂອງພວກເຮົາ.
ກະລຸນາປະກອບຄວາມຄິດເຫັນຂອງທ່ານຂ້າງລຸ່ມນີ້ ແລະຊ່ວຍພວກເຮົາປັບປຸງເນື້ອຫາຂອງພວກເຮົາ.